Miaso (Masamu) 1:3 - MUKANDA USANDU WA ZAMBI 1975

³ Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Mukanda Wa Zambi 1970

³ Kali ngwe mutondo ku mbumbulu ya lwiji, uze wakwima mihuko yawo ha tungonde twawo, mafwo jawo keeshi kuma. Kakuyuka yeswe yize akulinga.

Miaso (Masamu) 1:3 Iomraidhean Croise

Ubutukilo 39:23

Mwe kalayi ka zuwo lia ususu katalile ku yuma yapwile mu kwoko lia José mumu Yehova wapwile nenyi. Cheswacho alingile, Yehova wachiwahishile.

Ubutukilo 39:3

Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

1 MIANANGANA 18:7

Kashika Yehova wapwile hamwe nenyi. Kweswako atalikishile wayile kulutwe. Aye wakatukilile mwanangana wa Asuria; kamulingilile.

1 Sango Ja Mianangana 22:11

Kashika mwanami, Yehova akapwe hamwe ni yena akakuwahise. Tunga zuwo lia Yehova Zambi ye nikulita ni liji lienyi hali yena.

1 Sango Ja Mianangana 22:13

Chocho mukawaha nyi mutala kanawa kulinga yiyulo ni upatwilo yize Yehova wambilile Mose ha kutwala kuli A-Izalele. Takama; pwako ni hamu linji; kanda wivwa woma chipwe kulishimwoka.

2 Sango Ja Mianangana 31:21

Milimo yeswe yaputuka mu uvumbiko wa zuwo lia Zambi, ni mu shimbi, ni mu maliji, akafupe Zambi yenyi, yalinga ni mbunge yeswe, kashika milimo yenyi yiyiwaha.

2 Sango Ja Mianangana 32:23

Anji anehene milambu kuli Yehova mu Yerusaleme, ni yuma ya ndando yikalu kuli Hezekia mwanangana wa Yunda; kashika chize ku matangwa aze iye watunjile kumeso ja mavungu eswe.

Jobe 14:9

hindu ha kwivwa vumba lia meya muusokesa mafwo nikusokesa mitango ngwe mutondo waha.

Jobe 22:28

Mupala chimwe chuma mba makukoleselacho, ni pangu mulikapanguka mu majila je.

Miaso (Masamu) 128:2

Mumu kumukalia cha kuhondangana cha moko je. Kumukawaha, kumuchikapwa kanawa ni yena.

Miaso (Masamu) 129:8

Chipwe akwa kupalika kechi kwamba ngwo, Uwape wa Yehova ukapwe hali yena; tunakuwahisa mu jina lia Yehova.

Miaso (Masamu) 92:14

Kumakema mihuko ndusu mu ushinakaji wo. Kumakahaka. Kumakapwa a wisu.

Miaso (Masamu) 92:15

Kulweza ngwo, Yehova mukwa ululi. Iye liwe liami, kumushi uhenge muli iye.

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Izaya 44:4

Kumakasoka ngwe alamo a wisu, ngwe yiseso ku yitwetwe.

Izaya 58:11

Ni Yehova makanusongwela matangwa eswe, ni kunuyukisa ni yuma yipema, ni kutakamisa yifwaha yenu. Kumunukapwa ngwe chala cha kutuchika, ngwe fuji lia meya lize kulichi kuma.

Jeremia 17:8

Aye kanapu ngwe mutondo wa kutumba ku meya, wa kutanda miji ku chitwetwe, kuuchi kwivwa woma muze chivukuminya muchiza, mumu mafwo jawo hindu mapwa a wisu. Kuuchi kulifwita mumu ha changa, mumu kuuchi kulitwamina kwima mihuko.

Ezekiel 17:8

Te autumbile mu mavu apema ku meya anji hanga ukasokese mitango ni kwima mihuko ukapwe muuva upema.

Ezekiel 19:10

Noko wapwile ngwe muuva mu munda wa uva, wa kutumbulula ku meya. Wapwile ni mihuko, ni mitango yinji mumu ha kulumbama cha meya.

Ezekiel 31:5

Chocho watunjile helu lia mitondo yeswe ya usaki. Mitango yawo yatohele ni ana jawo asuku mumu ha meya a kulumbama mu mitango yawo.

Ezekiel 47:12

Ha mbumbulu, sali ni sali lia lwiji, kumukupwa milali yeswe ya mitondo ya kulia. Mafwo jayo kechi koma, chipwe mihuko* yayo kuyichi kahona, alioze muyikema mihuko ya wisu kakweji ha kakweji, mumu meya jayo anakatuka ku zuwo lisandu. Mihuko yayo muyikapwa ya kulia, ni mafwo jayo makapwa ha kuwuka.

Kwalula 24:6

Yinalizaze ngwe yikulo, ngwe yala ya ku mbumbulu ya lwiji, Ngwe mitondo ya aloa ya kutumba kuli Yehova, Ngwe mitondo ya sedru ku sesa lia lwiji.

Mateu 13:6

Muze tangwa liavumbukile yapapiwile; mba se kuyapwile ni miji, yomine.

Mateu 21:19

mba ha kumona mukuyu ku sesa lia jila, wakundamineko alioze kawanyineko nichimwe, shina mafwo wika; neye ngwenyi, Kanda ukema nawa mihuko ndo ku miaka ya mutolo. Haze hene mukuyu womine chau.

Mateu 21:34

Muze mwaka wa mihuko wakundamine, watumine ndungo kuli njimi mukutambula mihuko yenyi.

Mateu 21:41

O ngwo, Kumakonwona waze atu api, makakunjika munda kuli njimi akwo, waze makamwaha mihuko ha mwaka wayo.

Yoano 15:6

Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

Shimbi 28:8

Yehova kumakanuwahisa ku machila jenu, ni ku yuma yeswe munulinga ni moko jenu. Iye makanuwahisa mu chifuchi chize Yehova Zambi yenu ananwehecho.

Yuda 1:12

Wano anapu yipeka mu yiteleka yenu ya zango, muze maliangana hamwe ni yenu, tufunga waze keshi woma, kakulilisa ene; malelwa aze keshi meya, a kuhungumioka kweka ni kweka ku fuji; mitondo ya lushiho kuyakakaminya, kuyinafu kaali, ya kutangumuka;

Usolwelo 22:2

Mukachi ka tapalo lialio, ni ha sali lino lia lwiji, ni ha sali lize, mutondo wa mwono wakwima kumi lia mihuko ni mihuka yiali, wakwima mihuko yawo kakweji ha kakweji: mafwo ja mutondo a kuwuka no mavungu.