Miaso (Masamu) 1:1 - MUKANDA USANDU WA ZAMBI 1975

¹ Kawaha mutu yoze keshi kwenda mu chiyulo cha yingulungulu, keshi kumana mu jila ya yivulumunyi, keshi kutwama mu chitwamo cha akwa kulenya.

Mukanda Wa Zambi 1970

¹ Kawaha mutu yoze keshi kutayiza chiyulo cha yingulungulu, yoze keshi kwimbulula atu abi, yoze keshi kulikata ni akwa kulelesa Zambi.

Miaso (Masamu) 1:1 Iomraidhean Croise

Yishima 13:20

Nyi muwenda ni akwa mana ni yena nawa muopwa ni mana; alioze mweswe malikata ni yihepuke kumakevwa kusasaminya.

Jeremia 15:17

Chatwamine hamuwika ni akwa chiseke, chipwe kulikwiza. Natwamine ukwawami mumu kwoko lie liapwile hali yami, mumu hiwanguzalisa ni wuli.

Luka 11:28

Iye wambile ngwenyi, Ewa Shinaho, kawaha waze akwivwa liji lia Zambi nikulifunga.

Miaso (Masamu) 1:6

Mumu Yehova kananyingika jila ya mukwa ululi, alioze jila ya chingulungulu muyikatoka.

Yishima 1:15

Mwanami kanda ukendela jila yimuwika no, kanda ukasa kulu lie mu majila jo,

Miaso (Masamu) 34:8

Panjikenu nukambe ngwenu, Yehova iye mupema; kawaha mweswe maswama muli iye.

Miaso (Masamu) 112:1

Halisenu Yehova! Kawaha yoze wakuvwila woma Yehova; yoze wakuwahilila chikolo mu shimbi jenyi.

Miaso (Masamu) 36:4

kakulisela jila yize kuyapemene. Yuma yipi keshi kuyivwila lwaji.

Jobe 21:16

Ene kakuyula kuwaha cho; chiyulo cha yingulungulu chikapwe kusuku ni yami.

Efesu 6:13

Kashika tambulenu mazalo a utale eswe a Zambi, hanga nukahase kulimika ha tangwa lipi, mba muze hinunalingi yuma yeswe, kumana ngú.

Ubutukilo 49:6

Mbunge yami kanda ukanjila mu punga yo; uhenya wami kanda ulifutula no muze makunguluka. Mumu mu utenu wo ashihile atu. Mu pami jo apatwile tujilolo twa ngombe.

Jeremia 17:7

Kawaha mukwa kufuliela Yehova, kanajikijila hali Yehova.

Yishima 13:15

Malinjekela apema kakuneha vumbi; alioze jila ya akwa mafwefwe yikalu.

Miaso (Masamu) 119:115

Katukenu kuli yami, yenu akwa yitanga yipi, hanga ngukafunge shimbi ja Zambi yami.

Miaso (Masamu) 106:3

Kawaha waze akufunga upatwilo, ni yoze wakulinga ululi matangwa eswe.

Miaso (Masamu) 26:12

Chiliato chami chinamana haze hasalama. Mu yikungulwila mungufumanyisa Yehova.

Yishima 2:12

nikukupulula ku ndako jipi ni kuli malunga a kupiya mu yihanjika yo,

Miaso (Masamu) 81:12

Kashika naakunjikile ku pami ja mbunge jo, hanga akende nikulita ni yiyulo yo ene.

Yishima 4:19

Jila ya yingulungulu yapwa milima pwi; kanyingikine haze matalingila.

Yishima 3:34

Pundu kakulenya akwa kulenya, alioze kakupwa ni vumbi kuli akwa kulikehesa.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.

Yishima 9:12

Nyi muopwa ni mana, mana je makuwahisa yena mwene, alioze nyi mulenya, yena mwene muchimbata.

Miaso (Masamu) 84:12

Yehova-wa-Tujita, kawaha yoze wakukufuliela. Kuli Njimba mukwa lutwe. Samu lia ana a Kora.

A-ROMA 5:2

kuli iye nawa unjililo tuli nawo ku vumbi lino muze twakumana mumu ha Ufulielo; twakulisamba ha kutalatala uhenya wa Zambi.

Miaso (Masamu) 144:15

Kawaha e atu apwa chocho. Ewa kawaha atu aze akwete Zambi yo Yehova.

Yoano 20:29

Yesu yamba kuli iye ngwenyi, Mumu hiwangumona hiwafuliela; kawaha waze kangumwene hindu hanafuliela.

Yishima 1:22

Enu yizuzuke, ndo mwiji muka munuzanga uzuzuke? Ndo mwiji muka akwa kulenya mawahilila ni kulenya cho? Ndo mwiji muka yihepuke mavwila kole yinyingi?

1 Petulu 4:3

Mumu kunahu hali yenu miaka yize yapalika kulinga upale wa akwa mavungu, nikwenda mu ujila, ni usolo, ni kunwa vinyu, ni chimbangwinya, ni kunwanwa walwa, ni kukombelela cha kuzelwokesa.

Yoano 13:17

Kachi nunanyingika yino yuma, kachi nunawaha nyi munuyilinga.

Miaso (Masamu) 146:9

Yehova kakufunga njize. Kakujikijisa ana-ashiwa ni tuliwa, alioze jila ya yingulungulu kumakayipwisa yikalu.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 146:5

Kawaha yoze uli ni Zambi ya Yakomba kumukwasa; kutalatala chenyi chili muli Yehova Zambi yenyi,

1 Yitanga Ya Mianangana 16:31

Chapwile ngwe chuma chilelu kwenda mu milonga ya Jeroboame mwana Nebate, yawezaho, yambata Jezebele mwana Etabale mwanangana wa A-Sendone mba wayile kulingila Mbale nikumuwayila.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

Ezekiel 20:18

Yingwamba kuli ana jo mu puya ngwami, Kanda nwenda mu yiyulo ya tulamba twenu, chipwe kufunga shimbi jo, chipwe kulichisa ni mahamba jo.

Yishima 19:29

Kakululika upatwilo mumu hali akwa kulenya; kakululika mijiji ya kulamba manyima a yihepuke.

Miaso (Masamu) 64:2

Ngusweke kama ku kanjiliji ka akwa yitanga yipi, ni ku Chizungozungo cha akwa kulinga uhenge.

Jobe 31:5

Nyi hinenda ni mahuza, hanji molu jami hatambuka mu kwonga;

Jobe 10:3

Kafwa chakupemena kuhungumiona nikulelesa chitanga cha moko je, shimbu muchiwahisa yiyulo ya yingulungulu?

Ubutukilo 5:24

Enoke waliendelele ni Zambi, hikeshiko, mumu Zambi yamuchizako.

2 Sango Ja Mianangana 22:3

Wendele nawa mu ndako ja munyachi wa Ahabe, mumu naye wamulongesele kulinga ungulungulu.

Luka 23:51

(Yono katayijile ku upatwilo wo ni chitanga cho), wa ku Arimatea, limbo lia mu Yunda; mwenawo wapwile nikutatatata wanangana wa Zambi:

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Shimbi 14:6

ni tushitu eswe akupula sende, akwete sende ja kupula hakachi, waze hakachi ka tushitu akusekula, nukaalie.