Mateu 9:34 - MUKANDA USANDU WA ZAMBI 1975

³⁴ Alioze A-Fwariseu ambile ngwo, Kakutuhwisa andemoniu ni tachi ja mwata wa andemoniu.

Mukanda Wa Zambi 1970

³⁴ Alioze Afariseu yaamba ngwo: “Mwata wa mwiku wa luchisa unamwehe tachi ja kutuhwisa najo mwiku uze.”

Mateu 9:34 Iomraidhean Croise

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 11:18

Mumu Yoano wejile chipwe kalile, chipwe kanwine, o mamba ngwo, Ndemoniu akwete.

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 12:27

Kachi yami nakutuhwisa andemoniu ni tachi ja Mbelezepu, anenu a malunga ni tachi jaya akwatuhwisa? Kashika makapwa akwa kunupatwila.

Marku 3:22

Akwa kusonyeka waze te hakatuka ku Yerusaleme, ambile ngwo, Mbelezepu akwete, chikwo ngwo, Ni tachi ja mwata wa andemoniu kakutuhwisa andemoniu.

Luka 11:15

Alioze amwe a kuli ayo ambile ngwo, Ni tachi ja Mbelezepu, mwata wa andemoniu, kakutuhwisa andemoniu.

Yoano 3:20

Mumu mweswe wakulinga yipi keshi kuzanga pangu, keshi kwiza ku pangu, kuchina mamukumika ha yitanga yenyi.

Yoano 7:20

Mbunga akumbulwile ngwo, Yena ndemoniu ukwete: iya unafupu kukushiha?