Mateu 9:30 - MUKANDA USANDU WA ZAMBI 1975

³⁰ Mba meso jo alawile, ni Yesu waahele chikolo koki ngwenyi, Niumwe mutu kanda akachinyingika.

Mukanda Wa Zambi 1970

³⁰ Meso jo yaalaula. Yesu yaaha koki chikolo ngwenyi: “Mutu niumwe kanda achinyingika!”

Mateu 9:30 Iomraidhean Croise

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Izaya 35:5

Henaho meso ja tupuputa malaula, matwi ja afwa-matwi majikuka.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Mateu 12:16

Alioze waakanjishile chikolo kanda akamusolola.

Mateu 17:9

Shimbu apalumukine ku mulundu, Yesu waahele shimbi ngwenyi, Kanda nukambulwilae niumwe usolwelo uno ndo mwe Mwana Mutu hahinduka mukachi ka afu.

Mateu 8:4

Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Marku 1:43

Iye wamuhele chikolo koki, ni haze hene wamukatwishile.

Marku 3:12

Iye waakanjishile chikolo, hanga kechi kamusolola.

Marku 5:43

Iye waakanjishile chikolo ngwenyi, Niumwe kanda akachinyingika; iye wambile amwehe chimwe cha kulia.

Luka 5:14

Iye wamuhele koki kanda akaambulwila niumwe: alioze ngwenyi, Yako kwe, ukalilweze kuli sasendote, ukalambule ha kupemesa che, ngwe ambile Mose, chikapwe Shindakenyo kuli ayo.

Luka 8:56

Ni yisemi jenyi alishikishilile; alioze waahele koki kanda akaambulwila niumwe chize alingile.