Mateu 9:26 - MUKANDA USANDU WA ZAMBI 1975

²⁶ Lufuma wacho wafumanyine mu chifuchi chize cheswe.

Mukanda Wa Zambi 1970

²⁶ Sango yijimwangana mu chifuchi chize cheswe.

Mateu 9:26 Iomraidhean Croise

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Mateu 9:31

Alioze atuhukile, afumanyishine lufuma wenyi mu chifuchi chize cheswe.

Marku 1:28

Haze hene lufuma wenyi wafumanyine kweswe ku chifuchi cheswe cha kujingilika Ngalileya.

Marku 1:45

Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.

Marku 6:14

Mwanangana Heronde wamuvwile lufuma; mumu jina lienyi liafumanyine: wambile ngwenyi, Yoano Chipapachisa hahinduka mukachi ka afu, kashika yipupu kakuyilinga kuli iye.

Luka 4:14

Yesu wahilukilile ni tachi ja Spiritu ku Ngalileya; ni lufuma wenyi wafumanyine ndusu mu chifuchi cheswe cha kujingilika.

Luka 4:37

Ndundumwino yino yayile kweswe ku chifuchi cha kujingilika.

Luka 5:15

Alioze lufuma wenyi wamwanganyine mwamwa kuhiana nawa, ni mbunga yinene akungamine mukwivwa, hanga akaawuke ku kukokoloka cho.

Luka 7:17

Ni liji lino lia kutwala kuli iye liamwanganyine mu Yundeya mweswe, ni mu chifuchi cheswe cha kujingilika.

Yilinga 26:26

Mumu mwanangana unanyingika yino yuma, kuli yena nawa ngunahanjika mwazu: mumu ngunakunuka ngwami, Nichimwe cha yino yuma kuchaswamine kuli yena; mumu chino chuma kachilingile ku tenga.