Mateu 9:22 - MUKANDA USANDU WA ZAMBI 1975

²² Alioze Yesu ha kutewuluka, yamumona, wambile ngwenyi, Hamuka, mwanami, Ufulielo we hiwakupwisa mungunu. Mba mwe pwo wapwile mungunu chize ku ola yize.

Mukanda Wa Zambi 1970

²² Yesu yatewuluka, yamumona, yamba ngwenyi: “Mwanami, hamuka! Ufulielo we hiwakuwuka.” Shimbu lizeliene mwe pwo yahinduka.

Mateu 9:22 Iomraidhean Croise

Mateu 15:28

Hohene Yesu wamukumbulwile ngwenyi, Yena pwo, Ufulielo we unene, chikapwe kuli yena chizechene ngwe unazange. Mwanenyi wa pwo wahindukile chize ku ola yize.

Mateu 17:18

Yesu wamwambilile; mba ndemoniu watuhukile muli iye; mwe mwana-lunga wahindukile chize ku ola yize.

Mateu 8:13

Yesu wambile kuli kapitau ngwenyi, Yako kwe, chizechene ngwe hiwafuliela, chikapwe kuli yena. Mba mukweze wenyi wahindukile ha ola yize yene.

Mateu 9:2

Kumanyi, anehene kuli iye mukwa kalepa, kanapombo ha muhela: Yesu ha kumona Ufulielo wo, wambile kuli mukwa kalepa ngwenyi, Mwanami, hamuka; kakukonekena milonga ye.

Mateu 9:29

Hohene wasele minwe ha meso jo ngwenyi, Chikapwe kuli yenu nikulita ni Ufulielo wenu.

Marku 10:52

Yesu wambile kuli iye ngwenyi, Yako kwe; Ufulielo we hiwakupwisa mungunu. Haze hene walawile ku meso, wamukawile mu jila.

Marku 5:34

Iye wambile kuli pwo ngwenyi, Mwanami, Ufulielo we hiwakupwisa mungunu, uye kanawa ukahinduke ku upupilo we.

Luka 17:19

Wambile kuli iye ngwenyi, Katuka, uye kwe, Ufulielo we hiwakupwisa mungunu.

Luka 18:42

Yesu wambile kuli iye ngwenyi, Laula ku meso: Ufulielo we hiwakupwisa mungunu.

Luka 7:50

Iye wambile kuli pwo ngwenyi, Ufulielo we hiwakulamwina; uye kanawa.

Luka 8:48

Wambile kuli iye ngwenyi, Mwanami, hamuka; ufulielo we hiwakupwisa mungunu; uye kanawa.

Yoano 4:53

Tato kashika wanyingikine hapwile ha ola yize yene amwambile Yesu ngwenyi, Mwané ni mwono ali; iye wafulielele, iye mwene ni akwa zuwo lienyi eswe.

Yilinga 14:9

Yono wevwile Paulu kuhanjika: mwenawo wamuhulikilile meso, wamumwene ngwe kali ni Ufulielo amuhindwise.

Yilinga 16:18

Chino wachilingile matangwa anji. Mba Paulu nikwivwa chikulikuli chikolo, yatewulukila, yamba kuli Spiritu ngwenyi, Ngunakwambe mu jina lia Yesu Kristu ngwami, Tuhuka muli iye. Iye watuhukile ola yize yene.

Hebreu 4:2

Mumu yetu hanatwambulwila sango lipema, chizechene ngwe ayo nawa; aiioze liji lia sango kuliaafumbukile se kalichingile ni Ufulielo muli waze evwile.