Mateu 9:15 - MUKANDA USANDU WA ZAMBI 1975

¹⁵ Yesu wambile kuli ayo ngwenyi, Akwa ulungi mahasa kulinyenga shimbu sandungi mapwa hamwe no, nyi? Alioze matangwa kumakeza muze makachiza sandungi kuli ayo, mba hohene makalitwamina kulia.

Mukanda Wa Zambi 1970

¹⁵ Yesu yaakumbulula ngwenyi: “Masepa ja sandungi maahasa kunenganyana shimbu sandungi uchili hamwe no, nyi? Ka! Alioze tangwa mulikeza muze maakachiza sandungi, mba maakalitwamina kulia.

Mateu 9:15 Iomraidhean Croise

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Mateu 9:14

Hohene tumbaji twa Yoano yeza kuli iye, ngwo, Kuchi te yetu ni A-Fwariseu twakulitwamina kulia kanji, alioze tumbaji twe keshi kulitwamina kulia?

Mateu 9:16

Mba niumwe masa chando cha hina lize kulishi kufunyisa ha hina likulu; mumu chando machipapulula lie hina, ni chitutulu chahiana muchipwa.

Marku 2:19

Yesu wambile kuli ayo ngwenyi, Akwa ulungi mahasa kulitwamina kulia shimbu sandungi achili hamwe no, nyi? Ha shimbu lieswe achili ni sandungi hamwe no keshi kuhasa kulitwamina kulia.

Marku 2:20

Alioze matangwa kumakeza muze makachiza sandungi kuli ayo, mba makalitwamina kulia ha matangwa aze.

Luka 17:22

Iye wambile kuli tumbaji twenyi ngwenyi, Matangwa kumakeza muze munukevwa usona wa kumona limwe lia ku matangwa ja mwe Mwana Mutu, alioze kunuchi kalimona.

Luka 5:34

Iye ngwenyi, Munuhasa kukanjisa akwa ulungi alitwamine kulia shimbu sandungi ali hamwe no, nyi?

Luka 5:35

Alioze matangwa makeza muze makachiza sandungi kuli ayo, hohene makalitwamina kulia ha matangwa aze.

Yoano 16:6

Alioze mumu hinahanjika yino yuma, mbunge jenu hijazala tò ni chinyengo.

Yoano 3:29

Yoze uli ni ndungi, mwe sandungi: alioze kasendo ka sandungi, yoze wakumana nikumwivwa, kakuwahilila chikolo mumu ha liji lia sandungi: uno uwahililo wami kashika unazala tò.

Yilinga 14:23

Mba muze te haatongwela makulwana mu yikungulwila yeswe, nikulemba, nikulitwamina kulia, aakunjikile kuli Mwene, yoze te hanamufuliela.

1 Korintu 7:5

Kanda nulilaka umwe ni mukwo, shina muchipwa ha kulitesa ha shimbu limwe, hanga nulitumbikile ku kulemba, hanga nukapwe hamuwika cheka nawa, hanga Satana kechi kanweseka mumu ha ulelu wenu wa kuyula mijimba yenu.

2 Korintu 11:27

nikukilikita nikuhondangana, nikulawoka kanji; ni zala ni pwila, nikulitwamina kulia kanji; ni chishika ni uvu.

Usolwelo 19:9

Iye yamba kuli yami ngwenyi, Soneka ngwe, Kawaha waze hanaatambika ku ulungi wa mwe Mwana-panga. Iye yamba kuli yami ngwenyi, Wano e maliji amwenemwene a Zambi.

Usolwelo 21:2

Namwene limbo lisandu, Yerusaleme yaha, yinahulumuka mwilu ya kuli Zambi, kuyinalulika hali mukwo-lunga ngwe ndungi wa kuhenyesa.