Mateu 8:5 - MUKANDA USANDU WA ZAMBI 1975

⁵ Muze te Yesu hanjila mu Kafwanaume, kapitau wejile kuli iye, nikuliumba ngwenyi,

Mukanda Wa Zambi 1970

⁵ Muze Yesu hanjila mu limbo lia Kafarnaume, umwe mwata wa tujita twa Aroma yamukundama, yamulembejeka ngwenyi:

Mateu 8:5 Iomraidhean Croise

Mateu 11:23

Ni yena Kafwanaume hakunangamisa ndo mwilu, kumakakuhulumuna ndo ku Heteze: mumu kachi yipupu yize alingile muli yena, ayilingile mu Sondome, kachi kuchasala ndo tangwa lino.

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Mateu 4:13

Yahichika Nazare, yaya mukutwama mu Kafwanaume, limbo lize Uli ku sesa lia Chitende, mu manjiza ja Zapulone ni Napatali;

Mateu 9:1

Wanjilile mu ulungu, wazaukile, wahetele ku limbo lienyi mwene.

Marku 15:39

Ni kapitau, yoze wamanyine hatalanganyi nenyi, muze amwene ngwe akololokele ni chocho wechele mwiku wenyi, wambile ngwenyi, Chamwenemwene, yono mutu mwe Mwana Zambi.

Marku 2:1

Muze anjilile cheka nawa mu Kafwanaume kulutwe lia matangwa amwe, achivwile ngwo, Mu zuwo ali.

Yilinga 22:25

Alioze shimbu machimukesa ni yikapa, Paulu wambile kuli kapitau, yoze wamanyineko ngwenyi, Kuchinate ni shimbi kulamba ni shikote mutu Ka-Roma shimbu kanda amusopesa, nyi?

Yilinga 23:17

Paulu watambikile umwe wa kuli tupitau, wambile ngwenyi, Twalenu mukweze yono kuli manjolo; mumu chuma chimwe ali nacho kumwambulwila.

Yilinga 23:23

Iye watambikile aali a kuli tupitau eze kuli iye, wambile ngwenyi, Lulikenu kulakaji aali a maswalale, hanga akaye ndo ku Sesarea, ni makumi shimbiali a akwa tuvwalu, ni kulakaji aali a akwa makunga ha ola yamuchitatu ya ufuku:

Yilinga 27:13

Muze fuji ya ku Sule yejile makoke, ashinginyekene ngwe hazuka upale wo, asosele ankora, endele mu ulungu nikusesesa ngenge ya Kreta.

Yilinga 27:31

Paulu wambile kuli kapitau ni maswalale ngwenyi, nyi wano kasalile mu ulungu, yenu kunwahashile kulilamwina.

Yilinga 27:43

Alioze kapitau, nikuzanga kulamwina Paulu, waachijile ku upale wo; wambile waze ahashile kusányika alimbile hatangu mu meya, ahete hashi;

Yilinga 9:38

Se Lita chili hakamwihi ni Yopa, tumbaji se evwile ngwo, Petulu ko kwali, atumine malunga aali kuli iye nikumulemba ngwo, Kanda ulaluka kwiza kuli yetu.