Mateu 8:4 - MUKANDA USANDU WA ZAMBI 1975

⁴ Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Mukanda Wa Zambi 1970

⁴ Mba Yesu yamwamba ngwenyi: “Unevu? Kanda ukambulwila mutu niumwe. Alioze yako ukaliweze kuli hako wa Zambi. Mba lambula mulambu uze ambile Mose, ni kulweza eswe ngwe, hiwabema.”

Mateu 8:4 Iomraidhean Croise

Izaya 42:21

Yehova wevwile kuwaha mumu ha ululi wenyi, ha kufumanyisa shimbi yenyi nikuyipwisa ya uhenya.

Alevi 13:49

nyi musongo wasoloka ngwe mbundu hanji uchila mu uzalo, chipwe mu mutwalo, hanji mu mbandwola, hanji mu kupu, hanji mu chuma cha kutonga ni kupu, wapwa musongo wa mbumba. Akaulweze kuli sasendote.

Mateu 10:18

No kumakanuneha kumeso ja manguvulu ni mianangana mumu hali yami, hanga nukapwe Shindakenyo kuli ayo, ni kuli akwa mavungu.

Mateu 16:20

Mba wakanjishile tumbaji twenyi kanda amba kuli niumwe ngwo, iye mwe Kristu.

Mateu 17:9

Shimbu apalumukine ku mulundu, Yesu waahele shimbi ngwenyi, Kanda nukambulwilae niumwe usolwelo uno ndo mwe Mwana Mutu hahinduka mukachi ka afu.

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Mateu 5:17

Kanda nushinginyeka ngwe nejile mukwonwona shimbi hanji mikanda ya aprofeta; chejile mukwonwona, alioze mukumanununa.

Mateu 6:1

Keyelenu kanda nukalinga yilinga yenu ya ululi kumeso ja atu mukumoneka kuli ayo: nyi ka, kunushi kutambula kwononona nichimwe kuli Tatenu yoze uli mu malilu.

Mateu 9:30

Mba meso jo alawile, ni Yesu waahele chikolo koki ngwenyi, Niumwe mutu kanda akachinyingika.

Marku 13:9

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

Marku 3:12

Iye waakanjishile chikolo, hanga kechi kamusolola.

Marku 5:43

Iye waakanjishile chikolo ngwenyi, Niumwe kanda akachinyingika; iye wambile amwehe chimwe cha kulia.

Marku 6:11

Ni kweswako kechi kanutambula, chipwe kunwivwa, ha kukatukamo, nukakukumwineho fufuta yize yili kushi lia yiliato yenu, yikape Shindakenyo kuli ayo. Pundu ngunambe kuli yenu ngwami, Kumuchikapwa chashi ha Sondome ni Ngomora ha tangwa lia upatwilo, chikalu ha limbo lize.

Marku 7:36

Iye waahele koki ngwenyi, Kanda nukahanjika kuli niumwe, alioze cheswe iye aahele koki, chocho achambujolele kuhiana chikolo.

Marku 8:30

Iye waahele koki ngwenyi, Kanda nukaambulwila niumwe ha kutwala kuli yami.

Marku 9:9

Shimbu machipalumuka ku mulundu, waahele koki ngwenyi, Kanda nukaambulwila niumwe chize nwamona shina muze mwe Mwana Mutu hahinduka mukachi ka afu.

Luka 17:14

Muze aamwene, wambile kuli ayo ngwenyi, Yénu, nukalilweze kuli asasendote. Shimbu machiya apemene ku musongo wo.

Luka 21:13

Alioze Kumuchikapwa kuli yenu mukuhana Shindakenyo,

Luka 4:41

Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.

Luka 5:14

Iye wamuhele koki kanda akaambulwila niumwe: alioze ngwenyi, Yako kwe, ukalilweze kuli sasendote, ukalambule ha kupemesa che, ngwe ambile Mose, chikapwe Shindakenyo kuli ayo.

Luka 8:56

Ni yisemi jenyi alishikishilile; alioze waahele koki kanda akaambulwila niumwe chize alingile.

Luka 9:21

Alioze waakanjishile, waambile kanda akaambulula chuma chino kuli niumwe.

Yoano 5:41

Chishi kutambula uhenya kuli atu.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

Yoano 8:50

Alioze chishi kufupa uhenva wa yami mwene: kwali yoze wakufupa, wakupatula.