Mateu 8:30 - MUKANDA USANDU WA ZAMBI 1975

³⁰ Achi, kwapwile kusuku no, chendo cha ngulu kanali.

Mukanda Wa Zambi 1970

³⁰ Kwabwile kamwe kapinji kuze chendo cha ngulu, te kaanali.

Mateu 8:30 Iomraidhean Croise

Izaya 66:3

Yoze mashiha ngombe kapwa ngwe mukwa kushiha mutu; mukwa kulambula chitapo cha mwanapanga, kapwa ngwe mukwa kumakuna kota ya kawa. Yoze mahana mulambu wa wunga kapwa ngwe mukwa kulambula manyinga a ngulu. Yoze mahana mulambu wa libano wa kwiwuluka kapwa ngwe mukwa kuwahisa kaponya. Wano eswe hatongola majila jo ene; mbunge jo jinawahilila mu yizelwokeso yo.

Alevi 11:7

Ni ngulu, mumu kali ni sende ja kupula ahoze keshi kusekula. Akapwe wa luchisa kuli yenu.

Mateu 7:6

Kanda nuhana yuma yisandu kuli tuwa, chipwe kanda numbila kakanga kenu kumeso ja ngulu kuchina hanji mamuliata ni sende jo, mba matewuluka anupapulule.

Mateu 8:29

No kumanyi, akololokele ngwo, Kuchi yetu ni yena, Yesu mwe Mwana Zambi? Uneza kuno mukutupinjisa shimbu mwaka kanda wiza, nyi?

Mateu 8:31

Andemoniu aliumbile kuli iye ngwo, Kachi mututuhwisa, tutume kama, tunjile mu chendo cha ngulu.

Marku 5:11

Achi, kwapwile kuze hakachi ha mulundu chendo chinene cha ngulu, kanali.

Luka 8:32

Kwapwile kuze mbunga ya ngulu anji kanali ha mulundu, o aliumbile kuli iye, aatayize kunjila muli ayo. Iye waatayijile.

Shimbi 14:8

Ni ngulu, mumu iye akwete sende ja kupula alioze keshi kusekula, kapwa wa luchisa kuli yenu. Kanda nulia yifwo yo, kanda nukwata ha mijimba yo ya kufwa.