Mateu 8:3 - MUKANDA USANDU WA ZAMBI 1975

³ Yesu wolwele kwoko lienyi, wamusele minwe, ngwenyi, Ngunapale; pwako mupema. Haze hene wapemene ku mbumba yenyi.

Mukanda Wa Zambi 1970

³ Yesu yolola kwoko, yamukwata nikwamba ngwenyi: “Ngunazange, bwako mubema!” Hazehene mwe mutu yabema ku musongo wenyi.

Mateu 8:3 Iomraidhean Croise

Ubutukilo 1:3

Zambi yamba ngwenyi, Kupwe pangu, mba yikupwa pangu.

1 MIANANGANA 5:11

Alioze Naamane yatenuka, yaya lume. Ngwenyi, Ami nanyonga ngwami, matuhuka kuli yami, mamana nikuvuluka jina lia Yehova Zambi yenyi, nikuhungisa kwoko lienyi homa ha musongo, nikuwuka ye mbumba.

1 MIANANGANA 5:14

Henaho yapalumuka, yalichupika kashimbiali mu Yordau nikulita ni liji lia mutu wa Zambi, mba musunya wenyi yiwalumuka ngwe musunya wa mwana mukepe, yapema.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Kutuhuka 4:7

Yamba kuli iye ngwenyi, Njisa kwoko lie mu tulo ye cheka nawa. Cheka nawa yanjisa kwoko lienyi mu tulo yenyi mba muze yalichiza, kumanyi hilialumuka nawa chimuwika ni mujimba wenyi weswe.

Mateu 12:13

Hohene yamba kuli mutu ngwenyi, Olola kwoko lie. Mba waliolwele; nelio liahindukile lingunu ngwe likwo.

Marku 1:41

Yesu nikumuvwila keke, wolwele kwoko lienyi, wamusele minwe, ngwenyi, Ngunapale; pwako mupema.

Marku 4:39

Iye walawile, wambilile fuji, mba wambile ku Chitende ngwenyi, Hwima, hola. Ni fuji yahwimine, kwapwile kuhola chinene.

Marku 5:41

Iye wakwachile mwana-pwo ku kwoko, yamba kuli iye ngwenyi, Talita kumi; chinalumbunuka, Mwana-pwo, ngunambe kuli yena ngwami, Hinduka.

Marku 7:34

nikuhetula meso jenyi kwilu, watwile mikuma, yamba kuli iye ngwenyi, Efwata, chinalumbunuka ngwo, Jikuka.

Marku 9:25

Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Luka 4:27

Mwapwile akwa mbumba anji mu Izalele ha matangwa ja Eliseu; alioze niumwe wa kuli ayo wapemene shina Naamane, Ka-Seria.

Luka 5:13

Iye wolwele kwoko lienyi, wamusele minwe, ngwenyi, Ngunapale; pwako mungunu; haze hene mbumba yenyi yamukatukile.

Luka 7:14

Iye wakundamine, wasele minwe ku muhango; ni akwa kumbata amanyine, iye wambile ngwenyi, Mukweze, ngwami, Hinduka.

Yoano 11:43

Muze te hamba chocho, wakololokele ni liji linene ngwenyi, Lazaru, tuhukamo.

Yoano 15:24

Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.