Mateu 8:29 - MUKANDA USANDU WA ZAMBI 1975

²⁹ No kumanyi, akololokele ngwo, Kuchi yetu ni yena, Yesu mwe Mwana Zambi? Uneza kuno mukutupinjisa shimbu mwaka kanda wiza, nyi?

Mukanda Wa Zambi 1970

²⁹ No yaakololoka nikwamba ngwo: “Kuchi yena ni yetu, Yesu Mwana wa Zambi? Wejile kuno ni kutubinjisa shimbu tangwa kanda lichiheta, nyi?”

Mateu 8:29 Iomraidhean Croise

2 Samuel 16:10

Mwanangana ngwenyi, Enu ana ja Zeluia yika yili hakachi ka yenu ni yami? Se kanatuku, se Yehova hanamwambe ngwenyi, Tuka David, mba yoze mamba ngwenyi, Kuchi te hiwachilinga, iya?

2 Samuel 19:22

David yamba ngwenyi, Enu ana ja Zeluia, kuchi ni yenu ni yami, nupwe akwa kulimika ni yami musono? Kechi kushiha niumwe mu Izalele musono. Te chachinyingikine ngwami, Nguli mwanangana wa Izalele musono, nyi?

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

1 MIANANGANA 3:13

Elisha yamba kuli mwanangana wa Izalele ngwenyi, Chika nguli nacho ni yena? Yako kuli aprofeta ja tatenu ni aprofeta ja noko. Mwanangana wa Izalele yamba kuli iye ngwenyi, Hi chocho ko, mumu Yehova hakungulula wano mianangana atatu hamuwika akaakunjike mu moko ja A-Moape.

2 Sango Ja Mianangana 35:21

Alioze aye yamutuma mikeji ngwenyi, Chika nguli nacho ni yena, mwanangana wa Yunda. Chejile kulimika ni yena musono, alioze ku munyachi uze ngunase nawo jita. Zambi hangutuma ngutambwise, kashika kanda ulisunga ni Zambi yoze uli ni yami, kuchina hanji makwonwona.

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Mateu 8:30

Achi, kwapwile kusuku no, chendo cha ngulu kanali.

Marku 1:24

Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi.

Marku 3:11

Ni maspiritu a luchisa, heswaho amumwene, afulamanyine kumeso jenyi, nikukololoka ngwo, Mwana Zambi yena.

Marku 5:7

mba nikukololoka ni liji linene ngwenyi, Kuchi yami ni yena, Yesu mwe Mwana wa Zambi Chitunda? Lishinge mu jina lia Zambi kuli yami kuchi kungupinjisa.

Luka 4:34

ngwenyi, Kuchi yetu ni yena, Yesu, Ka-Nazare? Hiuneza mukutwonwona, nyi? Ngunakunyingika mwe Musandu wa Zambi.

Luka 4:41

Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.

Luka 8:28

Muze amwene Yesu wakololokele nikufulamana kumeso jenyi, iye ni liji linene wambile ngwenyi, Kuchi yami ni yena, Yesu mwe Mwana wa Zambi Chitunda? Ngunaliumbu kuli yena ngwami, Kanda ungupinjisa kama.

Yoano 2:4

Yesu yamba kuli iye ngwenyi, Pwo, kuchi ni yami ni yena? Ola yami kanda yiza.

Yilinga 16:17

Iye nikukaula kunyima ya Paulu ni yetu, wakololokele ngwenyi, Wano atu e ndungo ja Zambi mwe Chitunda, waze akunwambulwila jila ya ulamwino.

Tiangu (Jake) 2:19

Yena Unafuliela ngwe Zambi kapwa umuwika; unalingi kanawa: andemoniu nawa kakufuliela nikuchikima.

2 Petulu 2:4

Mumu kachi Zambi kavwilile keke angelo muze avulumwine, aiioze waanyashine mu Tartaru, waakunjikile ku malenge ja milima mukwafunga ndo ku upatwilo.

Yuda 1:6

Ni angelo waze kafungile chiyulo cho ene chitangu, aiioze ehukile chihela cho ene, hanaafungu mu makana ja mutolo kushi lia milima pwi ndo ku upatwilo wa lie tangwa linene.

Akwa Kuyula 11:12

Henaho Jefeta yatuma tunganda kuli mwanangana wa A-Amone ngwenyi, Chika unguli nacho hiweza kuli yami mukwasa jita mu chifuchi chami?