Mateu 8:27 - MUKANDA USANDU WA ZAMBI 1975

²⁷ Atu alishikishilile ngwo, Mutu muka yono, chipwe fuji ni meya mamwononokena?

Mukanda Wa Zambi 1970

²⁷ Eswe yaalishimwoka kuhiana, ngwo: “Awu mwene iya? Chibwe fuji ni meya yakumwononokena!”

Mateu 8:27 Iomraidhean Croise

Mateu 14:33

Ni waze apwile mu ulungu amuwayilile ngwo, Chamwenemwene yena uli mwe Mwana Zambi.

Mateu 15:31

chocho mbunga akomokene muze amwene tumama kanahanjika, yitonji angunu, yilema kanende, tupuputa kanalaula ku meso: no achichimiekene Zambi ya Izalele.

Mateu 8:10

Muze Yesu achivwile, wakomokene, mba wambile kuli waze akawile ngwenyi, Pundu, ngunambe kuli yenu ngwami, Chawanyine Ufulielo upwa haha, chipwe mu Izalele, ka.

Mateu 8:26

Neye yamba kuli ayo ngwenyi, Kuchi te nunevu woma, yenu akwa Ufulielo ukepe? Hohene wakatukile, Wámbilile fuji ni meya, mba kwaholele kúlú.

Mateu 8:28

Muze ahetele mu sali ku chifuchi cha A-Ngandara, akwa andemoniu aali atakanyine nenyi, kanatuhuka hakachi ka mafuka, yitoji asasu chikolo, chocho niumwe kahashile kupalikila jila yize.

Marku 1:27

Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena.

Marku 6:51

Iye wakandukile kuli ayo, wanjilile mu ulungu; ni fuji yaholele: no alishikishilile chikolo mu mbunge jo;

Marku 7:37

Mba alishimwokene kuhiana chikolo, ngwo, Hanalingi kanawa yuma yeswe, kakuvwisa chipwe afwa-matwi, kakuhanjikisa tumama.