Mateu 8:26 - MUKANDA USANDU WA ZAMBI 1975

²⁶ Neye yamba kuli ayo ngwenyi, Kuchi te nunevu woma, yenu akwa Ufulielo ukepe? Hohene wakatukile, Wámbilile fuji ni meya, mba kwaholele kúlú.

Mukanda Wa Zambi 1970

²⁶ Yesu yaakumbulula ngwenyi: “Kuchi nunevu woma? Ufulielo wenu ukepe!” Mba yakatuka, yakanjisa kangonga ni meya. Neyo yiihola lume kuluu.

Mateu 8:26 Iomraidhean Croise

Miaso (Masamu) 65:7

Yoze wakuholesa Chizungozungo cha tulunga-lwiji; chizungozungo cha mikanya yo ni kuzunguluka cha atu.

Miaso (Masamu) 89:9

Wakuyula kulengumuka cha kalunga-lwiji. Muze mikanya yaho yazunduka yena mukayiholesa.

Izaya 63:12

Yoze wasele kwoko lienyi lia uhenya kwe ku kwoko lia Mose lia chindume; yoze wapulile e meya kumeso jo nikulifumanyishina jina lia mutolo iya?

Nahume 1:4

Kakukanjisa kalunga-lwiji ni kumuumisa; kakuumisa njiji jeswe. Mbashane ni Karmela kuyakulila, ni yitemo ku Lebano kuyakuma.

Habakuke 3:8

Yehova, ufwatulo we wapwile wa kulimika ni njiji? Utenu we walimikine ni njiji? Hanji matoto je a kulimika ni kalunga-lwiji muze wendele hali tuvwalu twe ni ha temba lie lia kukumba?

Mateu 16:8

Yesu ha kuchinyingika, wambile ngwenyi, Yenu akwa Ufulielo ukepe, kuchi te nunaliambe hakachi kenu, mumu kunushi mbolo?

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Mateu 6:30

Alioze kachi Zambi chocho majika mwambu wa mu yambu, uze muupwa musono ni hamene maumbila mu jiko, Shinaho chikolo yenu, nyi? Yenu akwa Ufulielo ukepe?

Mateu 8:27

Atu alishikishilile ngwo, Mutu muka yono, chipwe fuji ni meya mamwononokena?

Luka 4:35

Yesu yamwambila ngwenyi, Hola, tuhuka muli iye, ni muze te ndemoniu hamulimbwila hashi mukachi ko, watuhukile muli iye, kamulemekene nichimwe.

A-ROMA 4:20

hindu, se watalile ku chilakenyo cha Zambi, kayambashanyine akahone Ufulielo, alioze walikolezele ku Ufulielo nikuchichimieka Zambi.

Usolwelo 10:2

Iye wapwile ni kamukanda ka kupakula ha kwoko lienyi: iye wasele chiliato chenyi cha chindume ha kalunga-lwiji, ni chiliato chenyi cha chimeso hashi.