Mateu 8:22 - MUKANDA USANDU WA ZAMBI 1975

²² Alioze Yesu yamba kuli iye ngwenyi, Ngukaule; hichika afu akafunde afu jo ene.

Mukanda Wa Zambi 1970

²² Yesu ngwenyi: “Ngukaule. Echele afu akafunde afu jo ene.”

Mateu 8:22 Iomraidhean Croise

1 Yitanga Ya Mianangana 19:20

Yahichika ngombe, yazomboka kunyima lia Eliya ngwenyi, Ngunalembe ngutayize kama ngushike tata ni mama mba kulutwe mungukukaula. Aye yamukumbulula ngwenyi, Hilukako nyi. Alioze yika nakulinganga?

Mateu 8:21

Mukwo wa kuli tumbaji twenyi wambile ngwenyi, Mwene, ngutayize kama nguhange kuya, ngukafunde tata.

Mateu 9:9

Shimbu Yesu mapalika kuze kulutwe, wamwene mutu, anamuvuluka ngwo, Mateu, kanatwama mu zuwo lia lijimu: neye yamba kuli iye ngwenyi, Ngukaule. Aye wakatukile, wamukawile.

Marku 2:14

Shimbu machipalika, wamwene Levi, mwana Alefweu, kanatwama mu zuwo lia lijimu, yamba kuli iye ngwenyi, Ngukaule. Iye wakatukile, wamukawile.

Luka 15:24

Mumu yono mwanami wapwile mufu, kali ni mwono cheka nawa; watokele, mba hamuwana. O aputukile kusehejela.

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Luka 9:59

Iye wambile kuli mukwo ngwenyi, Ngukaule. Alioze wakumbulwile ngwenyi, Mwene, ngutayize kama nguhange kuya, ngufunde tata.

Luka 9:60

Alioze Yesu wambile kuli iye ngwenyi, Afu afunde afu jo; alioze yako yena, ukambujole wanangana wa Zambi.

Yoano 1:43

Muze hikwacha, Yesu wazangile kuya ku Ngalileya, iye yawana Fwilipe; yamba kuli iye ngwenyi, Ngukaule.

Yoano 21:19

(Achi wambile chino, akalweze kufwa chize machichimieka nacho Zambi,) muze te hamba chino, yamba kuli iye ngwenyi, Ngukaule.

Yoano 21:22

Yesu yamba kuli iye ngwenyi, Kachi ngunapale akatwame ni mwono ndo mungwiza, kuchi chapwa kuli yena? Ngukaule.

Efesu 2:1

Ni yenu nwapwile afu mu Utanguko wenu ni mu milonga yenu,

Efesu 2:5

chipwe muze twapwile afu mu milonga yetu, hanatupwisa ni mwono hamwe ni Kristu (ku vumbi hananulamwina).

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Kolosu 2:13

Ni yenu, se nwapwile afu mu milonga yenu, ni mu ulima wa musunya wenu, yenu ngwami, Hananupwisa ni mwono hamwe nenyi, se hanatukonekena milonga yetu yeswe;

1 Timoteu 5:6

Alioze yoze matwama ni kuliyukisa usona weswe, kanafu shimbu achili ni mwono.