Mateu 8:20 - MUKANDA USANDU WA ZAMBI 1975

²⁰ Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Mukanda Wa Zambi 1970

²⁰ Yesu ngwenyi: “Mikuza mena akwete, ni tujila yaswa akwete, alioze Mwana Mutu keshi homa haze mahasa kubomba.”

Mateu 8:20 Iomraidhean Croise

Miaso (Masamu) 104:12

Kwenako tujila a mwilu kakusa yaswa yo, kakuvwisa liji lio hakachi ka mitango.

Miaso (Masamu) 104:17

kuze tujila akutunga yaswa yo; chitokola kali ni zuwo lienyi mu yiseso.

Miaso (Masamu) 109:22

Mumu nguli chiswale, ngunahono. Mbunge yami yalemana muchima.

Miaso (Masamu) 40:17

Ami nguli chiswale kanda mukwa kuhona, hindu Mwene kakungunyonga. Yena uli chikwashi chami kanda mukwa kungupulula; kanda ulaluka Zambi yami. Kuli Njimba mukwa lutwe. Samu lia David.

Miaso (Masamu) 69:29

Alioze nguli chiswale kanda mukwa chinyengo. Zambi! Ulamwino we ukangunangamise.

Miaso (Masamu) 84:3

Chipwe ndalamusepe haliwanyina zuwo, ni kapiasa haliwanyina chaswa kuze masela ana jenyi, chipwe yilumbilo ya yena Yehova-wa-Tujita, Mwanangana wami kanda Zambi yami.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Mateu 12:32

Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mateu 12:8

Mumu mwe Mwana Mutu iye mwene wa Sambata.

Mateu 13:37

Iye wakumbulwile, ngwenyi, Yoze wakukuwa mbuto yipema iye mwe Mwana Mutu;

Mateu 16:13

Muze Yesu ahetele ku yihanda ya Sesarea-Fwilipu, wahulile tumbaji twenyi ngwenyi, Kuchi atu akunguvuluka yami mwe Mwana Mutu?

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 17:9

Shimbu apalumukine ku mulundu, Yesu waahele shimbi ngwenyi, Kanda nukambulwilae niumwe usolwelo uno ndo mwe Mwana Mutu hahinduka mukachi ka afu.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Marku 8:38

Mumu mweswawo manguvwila sonyi yami, hanji ha maliji jami hakachi ka chisemuko chino cha utanji kanda cha shili, mwe Mwana Mutu nawa kumakamuvwila sonyi, muze meza mu uhenya wa Tato hamwe ni angelo asandu.

Luka 12:8

Alioze ngunambe kuli yenu ngwami, Mweswawo mangutayiza kumeso ja atu, mwe Mwana Mutu kumakamutayiza nawa kumeso ja angelo ja Zambi.

Luka 18:8

Ngunambe kuli yenu ngwami, Kumakaakala nikawashi. Alioze muze mwe Mwana Mutu meza, makawana Ufulielo hano hashi, nyi?

Luka 2:12

Chino che chilayi kuli yenu; kumunukawana mwe mwana-kemba wa kuvunga mu mahina, kanapombo mu chililo.

Luka 2:16

O ejile kapupushi, awanyine Maria ni José, ni mwe mwana-kemba kanapombo mu chililo.

Luka 2:7

Iye wasemene mwanenyi wa lunga mutangu, wamuvungile mu mahina, wamupombesele mu chililo; mumu kumwapwile muhela hali ayo mu zuwo lia kuzeka ngeji.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Luka 8:3

Joana, pwo lia Kuza, kafufuchi ka Heronde, ni Suzana ni akwo anji waze amuvumbikile ni yikumba yo.

Luka 9:58

Yesu wambile kuli iye ngwenyi, Mikuza kali ni mena, ni tujila a mwilu ali ni yaswa; alioze mwe Mwana Mutu keshi haze ha kushachila mutwe wenyi.

Yoano 1:51

Yamba kuli iye ngwenyi, Pundu, pundu, ngunambe kuli yena ngwami, Chize ku haliapwila ndo kulutwe kumukamona lilu liakwazulula, ni angelo ja Zambi nikuzezuka nikuhulumuka hali mwe Mwana Mutu.

Yoano 12:34

Mbunga kashika amukumbulwile ngwo, Hitunevu mu shimbi ngwo, Kristu matwama ndo ku miaka ya mutolo; ngwe kuchi yena unambe ngwe, Chatamba kuzundula mwe Mwana Mutu? Yono mwe Mwana Mutu iya?

Yoano 13:31

Muze te kashika hatuhuka, Yesu yamba ngwenyi, Haliapwila hanachichimieka mwe Mwana Zambi, mba hanachichimieka Zambi muli iye:

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 3:14

Chizechene ngwe Mose azundwile kapela mu puya, chocho chatamba kuzundula mwe Mwana Mutu;

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

Yoano 6:53

Yesu wambile kuli ayo ngwenyi, Pundu, pundu, ngunambe kuli yenu ngwami, Kunushi ni mwono muli yenu shina munulia musunya wa mwe Mwana Mutu, shina mununwa manyinga jenyi.

Yoano 6:62

Mba kuchi muchipwa kachi munumona mwe Mwana Mutu kanazezuka kuze apwile hatangu?

Yilinga 7:56

Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi.

2 Korintu 8:9

Mumu nunanyingika vumbi lia Mwene wetu Yesu Kristu, chipwe wapwile pichi, hindu mumu hali yenu, walipwishile chiswale, hanga yenu ku uswale wenyi nukapwe pichi.