Mateu 8:17 - MUKANDA USANDU WA ZAMBI 1975

¹⁷ Hanga chikamanunuke chize ahanjikile ku kanwa lia profeta Izaia ngwenyi, Iye mwene wanjile kukokoloka chetu, wambachile misongo yetu.

Mukanda Wa Zambi 1970

¹⁷ Yachilinga hanga chikamanunune liji lize Zambi ahanjikile kuli mukwa munanyi wenyi, Izaya, ngwenyi: “Iye mwene wambachile kukokoloka chetu ni misongo yetu.”

Mateu 8:17 Iomraidhean Croise

Ubutukilo 22:6

Mba Apalahama yanda kunyi ja mulambu wa kulumba, yajitwika hali mwanenyi Izake. Yambata kahia ni poko mu kwoko lienyi. Chocho eswe ni aali ayile hamuwika.

Izaya 53:4

Chamwenemwene hanambata chikulikuli chetu, hanazundula yinyengo yetu; hindu twamumwene ngwetu, Kanamulambe, kanamulongesa kuli Zambi, kanamupinjisa.

Mateu 1:22

Achi, yino yeswe yapwile hanga chikamanunuke chize ahanjikile Mwene ku kanwa lia profeta ngwenyi,

Mateu 2:15

wapwileko ndo ku kufwa cha Heronde; hanga chikamanunuke chize ahanjikile Mwene ku kanwa lia profeta ngwenyi, Natambikile mwanami akatuke ku Engitu.

Mateu 2:23

wahetele, watwamine ku limbo analivuluka ngwo, Nazare; hanga chikamanunuke chize ahanjikile ku makanwa ja aprofeta ngwo, Kumakamuvuluka ngwo, Ka-Nazare.

Marku 1:32

Ha chingoloshi, ha kunjila cha tangwa, anehene kuli iye waze eswe ayijile, ni akwa ndemoniu,

Luka 4:40

Muze tangwa mulichinjila, waze eswe apwile ni mieji a kuyiza ni misongo yeka ni yeka, aanehene kuli iye; neye wasayikile moko jenyi hali eswe, waawukile.

2 Korintu 12:10

Kashika nakuwaha ni ulelu, ni sau, ni huli, ni yihungumiona, ni kupinda, mumu hali Kristu: mumu muze mungulela, hohene mungupwa ni tachi.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.