Mateu 8:16 - MUKANDA USANDU WA ZAMBI 1975

¹⁶ Muze hapwile chingoloshi, anehene kuli iye akwa andemoniu anji; neye watuhwishile maspiritu ni liji lienyi; wawukile waze eswe ayijile.

Mukanda Wa Zambi 1970

¹⁶ Muze te tangwa hiliatoka kulu, atu yaanehena Yesu mieji anji waze te akwete miku yibi. Yesu yatuhwisa miku yize yibi ni liji lienyi, yawuka mieji eswe.

Mateu 8:16 Iomraidhean Croise

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 14:14

Yesu ha kutuhuka wamwene mbunga yinene, yaavwila keke, yawuka mieji jo.

Mateu 8:15

Neye wasele minwe ku kwoko lienyi, mba kachiki wamukatukile, neye wahindukile, waavumbikile.

Mateu 8:33

Waze aalishile, achinyine, ayile ku limbo, ambulwile yuma yeswe, ni chize chawanyine akwa ndemoniu.

Mateu 9:2

Kumanyi, anehene kuli iye mukwa kalepa, kanapombo ha muhela: Yesu ha kumona Ufulielo wo, wambile kuli mukwa kalepa ngwenyi, Mwanami, hamuka; kakukonekena milonga ye.

Marku 2:3

O yeza kuli iye, nikuneha mukwa kalepa, amumbachile kuli atu awana.

Marku 5:8

Mumu wambile kuli iye ngwenyi, Yena spiritu ya luchisa tuhuka muli mwe lunga.

Marku 9:25

Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Luka 13:12

Muze Yesu amumwene, wamutambikile ngwenyi, Pwo, unatusuka ku kukokoloka che.

Luka 4:40

Muze tangwa mulichinjila, waze eswe apwile ni mieji a kuyiza ni misongo yeka ni yeka, aanehene kuli iye; neye wasayikile moko jenyi hali eswe, waawukile.

Luka 4:41

Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.

Yilinga 5:15

chocho anehene mieji ku mikwakwa, aasele ha miu ni yisalo, hanga chipwe Chizulie wika cha Petulu, ha kupalika, chikazutamine kama amwe a kuli ayo.