Mateu 8:13 - MUKANDA USANDU WA ZAMBI 1975

¹³ Yesu wambile kuli kapitau ngwenyi, Yako kwe, chizechene ngwe hiwafuliela, chikapwe kuli yena. Mba mukweze wenyi wahindukile ha ola yize yene.

Mukanda Wa Zambi 1970

¹³ Mba Yesu yambila mwata wa tujita ngwenyi: “Yako kwe ku mahie, chikabwe ngwe chize hiwafuliela.” Kavumbi ka mwata wa tujita yahinduka lume ha ola yizeyene.

Mateu 8:13 Iomraidhean Croise

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Mateu 15:28

Hohene Yesu wamukumbulwile ngwenyi, Yena pwo, Ufulielo we unene, chikapwe kuli yena chizechene ngwe unazange. Mwanenyi wa pwo wahindukile chize ku ola yize.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Mateu 8:4

Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Mateu 9:22

Alioze Yesu ha kutewuluka, yamumona, wambile ngwenyi, Hamuka, mwanami, Ufulielo we hiwakupwisa mungunu. Mba mwe pwo wapwile mungunu chize ku ola yize.

Marku 7:29

Wambile kuli iye ngwenyi, Mumu ha liji lino, yako kwe; ndemoniu hatuhuka muli mwané.

Marku 9:23

Yesu wambile kuli iye ngwenyi, Kachi muhasa kufuliela, yuma yeswe muyihasa kupwa kuli yoze mafuliela.

Yoano 4:50

Yesu yamba kuli iye ngwenyi, Yako kwe; mwané ni mwono ali. Yoze mutu wafulielele liji lize amwambile Yesu, iye wayile kwenyi.