Mateu 7:7 - MUKANDA USANDU WA ZAMBI 1975

⁷ Etenu, mba kumanwaha; fupenu, mba kumunuwana; ngongwelenu, mba kumanwazulwila.

Mukanda Wa Zambi 1970

⁷ “Etenu, mba kumunutambula; fupenu, mba kumunuwana; ngongwelenu, mba kumanwazulwila.

Mateu 7:7 Iomraidhean Croise

Ubutukilo 26:32

Tangwa lioliene ngamba ja Izake yeza yamulweza ha kutwala ku shima lize anafulu. Yamba ngwo, Hitwawana meya.

1 Yitanga Ya Mianangana 3:5

Ku Ngibeone Yehova yasoloka kuli Solomone mu chilota ha ufuku. Zambi yamba ngwenyi, Eta cheswacho unazange; mungukwahacho.

Miaso (Masamu) 10:17

Yehova yena hiwevwa chize yimbovu akuzanga, hiwajikijisa mbunge jo. Hiwasela twitwi lie kwapanjika.

Miaso (Masamu) 10:4

Chingulungulu mu kulengumuka cha meso jenyi keshi kufupa Zambi. Mu kutaka chenyi cheswe Zambi keshiko.

Miaso (Masamu) 119:12

Yena Yehova kuwawaha! Ngulongese kama yiyulo ye.

Miaso (Masamu) 27:8

Muze wambile ngwe, Fupa meso jami, mbunge yami yakumbulwile ngwami, Meso je mungufupa, Yehova.

Miaso (Masamu) 34:4

Nafupile Yehova, iye wangukumbulwile, mba wangupulwile ku woma wami weswe.

Miaso (Masamu) 37:4

Wahilila nawa muli Yehova, iye kumakwaha cheswe unazange mu mbunge ye.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 69:32

Yimbovu hanachimono, no anawahilila. Enu eswe nwakufupafupa Zambi, mbunge jenu jikatwame ni mwono.

Miaso (Masamu) 70:4

Waze akukufupa akawahilile, akevwe chiseke muli yena. Waze akuzanga ulamwino we akambambe ngwo, Zambi atohe.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Yishima 8:17

Waze akunguzanga ni yami nakwazanga; ni waze akulianga kungufupa manguwana.

Mwaso Ubema Wahiana 3:2

Ngwami, Munguhinduka haliapwila, mungwenda mu chihunda mu matapalo ni ha malindalinda; mungufupa yoze ngunamuzange ni mbunge yami. Namufupile, alioze Chamuwanyine.

Izaya 30:19

Ewa, enu atu a mu Zaione, nwatwama mu Yerusaleme; kunuchi kulila nawa. Kumakapwa ni vumbi kuli yenu ha kwivwa muteto wenu. Muze mevwa manukumbulula.

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Amose 5:4

Mumu Yehova kanambe ku munyachi wa Izalele ngwenyi, Ngufupenu, nutwame ni mwono.

Mateu 18:19

Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu.

Mateu 21:22

Ni yuma yeswe munwita ni Ufulielo ha kulemba, kumunukatambula.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Mateu 7:11

Kachi yenu, nuli api, nunanyingika kuhana yawana yipema kuli ana jenu, Shinaho chikolo Tatenu yoze uli mu malilu mahana yuma yipema kuli waze mamwita, nyi?

Mateu 7:8

Mumu mweswe meta, matambula; ni yoze mafupa, mawana; ni yoze mangongwela, kumamwazulwila.

Marku 11:24

Kashika ngunambe kuli yenu ngwami, Yuma yeswayo munwita ha kulemba, fulielenu ngwe nunayitambula, neyo kumuyikapwa kuli yenu.

Luka 13:25

Muze te mwenya zuwo hakatuka, hajila pito, munuputuka kumana haze nikungongwela ha pito, nikwamba ngwenu, Mwene, Mwene, twazulwile kama; iye makakundulula akambe kuli yenu ngwenyi, Chanunyingikine kuze nunakatuka.

Luka 18:1

Iye wahanjikile nawa chishima kuli ayo, ngwe chaatamba kulemba matangwa eswe, kanda akalezumuka;

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 15:7

Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

A-ROMA 3:11

yoze wakunyingika wakuhi niumwe; yoze wakufupafupa Zambi wakuhi niumwe.

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Tiangu (Jake) 5:15

Kulemba cha Ufulielo kumuchilamwina mukwa kuyiza, ni Mwene kumamuhindwisa; nyi kachi hanavulumuna milonga, mamukonekenayo.

1 Yoano 3:22

ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi.