Mateu 7:29 - MUKANDA USANDU WA ZAMBI 1975

²⁹ Mumu waalongesele ngwe umwe ukwete chiyulo, hi ngwe akwa kusonyeka ko.

Mukanda Wa Zambi 1970

²⁹ Mumu kabwile ko ngwe alongeshi jo a Shimbi, alioze yalongesa ni chiyulo.

Mateu 7:29 Iomraidhean Croise

Longeshi 8:4

Mumu liji lia mwanangana tachi likwete. Iya mamuhula ngwo, Yika unalingi?

Izaya 50:4

Mwene Yehova hanangwehe limi lia mukwa kulongoloka, hanga ngukanyingike kukolesa mukwa yikatalo ni liji. Tangwa ha tangwa ha chimene kakulawisa; kakulawisa twitwi liami ngwivwe ngwe akwa kulongoloka.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Mateu 5:20

Mumu ngunambe kuli yenu ngwami, Kunuchi kanjila nichimwe mu wanangana wa malilu shina ululi wenu muuhiana uze wa akwa kusonyeka ni A-Fwariseu.

Mateu 5:28

alioze yami ngunambe kuli yenu ngwami, Mweswawo matala pwo mukumuvwila usolo, halinga nenyi utanji kulu mu mbunge yenyi.

Mateu 5:32

Alioze yami ngunambe kuli yenu ngwami, Mweswawo malakula mukwo-pwo shina ha chikuma cha upangala, mamupwisa chitanji; ni mweswawo mambata yoze hanamulakula malinga utanji.

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Mateu 7:28

Muze te Yesu hamanununa maliji ano, mbunga alishimwokene ha longeso lienyi.

Mateu 8:1

Muze te hapalumuka ku mulundu, mbunga jinene jamukawile.

Luka 20:8

Yesu wambile kuli ayo ngwenyi, Ni yami nawa, chishi kunwambulwila chiyulo chize nakulinga nacho yino yuma.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Yilinga 6:10

O kahashile kulimika ni mana ni Spiritu yoze wahanjikile nenyi.