Mateu 7:23 - MUKANDA USANDU WA ZAMBI 1975

²³ Hohene mungukaakumbulula ngwami, Chanunyingikine nilimwe tangwa: katukenu kuli yami, yenu, nwakulinga uhulia.

Mukanda Wa Zambi 1970

²³ Mba mungukaakumbulula ngwami: ‘Chanunyingikine nilimwe tangwa. Ngukatukenu yenu nwakulinga yibi!’ ”

Mateu 7:23 Iomraidhean Croise

Miaso (Masamu) 119:115

Katukenu kuli yami, yenu akwa yitanga yipi, hanga ngukafunge shimbi ja Zambi yami.

Miaso (Masamu) 5:5

Akwa kulizata kechi kumana kumeso je; wakuvwila kole waze akulinga uhenge.

Miaso (Masamu) 6:8

Katukenu kuli yami yenu eswe akwa kulinga uhenge; mumu Yehova hanevu liji lia kulila chami.

Mateu 25:12

Alioze iye wakumbulwile ngwenyi, Pundu ngunambe kuli yenu ngwami, Chanunyingikine.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Luka 13:25

Muze te mwenya zuwo hakatuka, hajila pito, munuputuka kumana haze nikungongwela ha pito, nikwamba ngwenu, Mwene, Mwene, twazulwile kama; iye makakundulula akambe kuli yenu ngwenyi, Chanunyingikine kuze nunakatuka.

Luka 13:27

iye kumakamba ngwenyi, Ngunanwambulwila ngwami, Chanunyingikine kuze nunakatuka; katukenu kuli yami, yenu eswe akwa kulinga uhenge.

Yoano 10:14

Mwe kafunga mupema yami, ngunanyingika waze niami, ni waze niami kanangunyingika,

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.