Mateu 7:22 - MUKANDA USANDU WA ZAMBI 1975

²² Anji kumakamba kuli yami ha tangwa lize ngwo, Mwene, Mwene, kutwaprofetezele ni jina lie, nyi? Ni jina lie kutwatuhwishile andemoniu, nyi? Ni jina lie kutwalingile yipupu yinji, nyi?

Mukanda Wa Zambi 1970

²² Ha tangwa lize anji maakanguhula ngwo: ‘Mwene, Mwene! Hi yetu ko te twakwambujola mu jina lie, nyi? Hi yetu ko te twakutuhwisa mwiku wa luchisa mu jina lie, nyi? Hi yetu ko te twakulinga yilayi yinji mu jina lie, nyi?’

Mateu 7:22 Iomraidhean Croise

Izaya 2:11

Kumakalelesa meso ja atu a kulizata; kulengumuka cha atu kumakanunguna; Yehova wika kumakanangama ha tangwa lize.

Izaya 2:17

Kumakanunguna kulizata cheswe cha atu; kumakalelesa kulengumuka cheswe cha atu; Yehova wika kumakanangama ha tangwa lize.

Kwalula 24:4

Maliji a yoze wakwivwa maliji a Zambi, Iye anamono usolwelo wa Mukwa-Ndundo-Jeswe, Kanalimbuka, kanalaula meso.

Kwalula 31:8

Yashiha mianangana a A-Mindiane, hamuwika ni afu jo akwo: ni Evi, ni Rekeme, ni Zure, ni Hure, ni Reba, mianangana atano a A-Mindiane. Yashiha nawa ni katana Mbalau, mwana wa Mbeore.

Mateu 10:15

Pundu ngunambe kuli yenu ngwami, Kumuchikapwa chashi ha chifuchi cha Sondome ni Ngomora ha tangwa lia upatwilo, kumuchikapwa chikalu ha limbo lize.

Mateu 24:36

Alioze ha kutwala ku tangwa lize ni ola yize niumwe kayinyingikine, chipwe angelo a mwilu, ka, alioze Tata wika.

Mateu 25:11

Kulutwe, ana-mapwo akwo yeza nawa, ngwo, Mwene, Mwene, twazulwile kama.

Mateu 7:21

Hi mweswe ko mamba kuli yami ngwenyi, Mwene, Mwene, makanjila mu wanangana wa malilu, alioze yoze wakulinga upale wa Tata yoze uli mu malilu.

Luka 10:12

Ngwami, Kumuchikapwa chashi ha Sondome ha tangwa lize, chikalu ha limbo lize.

Yoano 11:51

Alioze chino kambileko cha kuli iye mwene; alioze se wapwile sasendote mukwa lutwe ha mwaka uze, waprofetezele ngwenyi, Yesu mafwila lie vungu lieswe;

1 Tesalonika 5:4

Alioze yenu, mandumbu, kunushi mu milima, tangwa lize likanuwane ngwe mwiji.

2 A-TESALONIKA 1:10

muze meza ha tangwa lize, hanga akamuchichimieke muli asandu jenyi, hanga akamukomoke muli waze eswe akwa kufuliela, mumu nwafulielele Shindakenyo yetu kuli yenu.

2 Timoteu 1:12

Ha chikuma chino nawa, nakwivwa lamba lia yino yuma; alioze chishi kwivwa sonyi; mumu ngunanyingika yoze hingunamufuliela; ngunakunuka ngwami, Kanahase kufunga chize hingunamukunjika ndo tangwa lize.

2 Timoteu 1:18

(Mwene akamwehe kuwana keke kuli Mwene ha tangwa lize;) ni uvumbiko wunji upwa haha wanguvumbikile nawo mu Efwesu, yena kuunanyingika kanawa.

2 Timoteu 4:8

Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.