Mateu 7:21 - MUKANDA USANDU WA ZAMBI 1975

²¹ Hi mweswe ko mamba kuli yami ngwenyi, Mwene, Mwene, makanjila mu wanangana wa malilu, alioze yoze wakulinga upale wa Tata yoze uli mu malilu.

Mukanda Wa Zambi 1970

²¹ “Hi eswe ko waze akunguvuluka ngwo: ‘Mwene, Mwene!’, maakanjila mu Wanangana wa mwilu, alioze shina waze akulinga upale wa Tata wa mwilu.

Mateu 7:21 Iomraidhean Croise

Mateu 12:50

Mumu mweswawo malinga upale wa Tata yoze uli mu malilu, iye mapwa mwanakwetu ni pangiami ni mama.

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:19

Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu.

Mateu 18:3

Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mateu 18:35

Chocho nawa Tata wa mwilu makalinga kuli yenu kachi kunushi kumukonekena mweswe ndumbwenyi ku mbunge yenyi.

Mateu 19:24

Cheka nawa ngwami, Chashi hali kamelu kupalika ndusu mu liso lia ndongo, chikalu hali pichi kunjila mu wanangana wa Zambi.

Mateu 25:10

Alioze shimbu ayile mukulanda, sandungi wejile; ni waze alulikile anjilile hamwe nenyi ku ulungi; mba ajilile pito.

Mateu 25:21

Mwene wenyi ngwenyi, Hiunalingi kanawa, ndungo mupema, wamwenemwene, hiunashishika ha yuma yikehe, mungukakusela helu lia yuma yinji; njila mu uwahililo wa mwene we.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 26:42

Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Marku 3:35

Mumu mweswawo malinga upale wa Zambi, mwenawo mwanakwetu, ni pangiami, ni mama.

Marku 9:47

Nyi kachi liso lie mulikutalingisa, litombongonemo: Shinaho unjile mu wanangana wa Zambi kafwa-liso, kuchina nikupwa ni meso aali, akakumbile mu Ngehena ya kahia.

Luka 11:28

Iye wambile ngwenyi, Ewa Shinaho, kawaha waze akwivwa liji lia Zambi nikulifunga.

Luka 13:25

Muze te mwenya zuwo hakatuka, hajila pito, munuputuka kumana haze nikungongwela ha pito, nikwamba ngwenu, Mwene, Mwene, twazulwile kama; iye makakundulula akambe kuli yenu ngwenyi, Chanunyingikine kuze nunakatuka.

Luka 18:25

Mumu chashi hali kamelu kunjila mu liso lia ndongo, chikalu hali pichi kunjila mu wanangana wa Zambi.

Luka 6:46

Kuchi te nunanguvuluka ngwenu, Mwene, Mwene, alioze kunushi kulinga yuma yize ngunambe?

Yoano 14:7

Kachi nwangunyingika kachi nwanyingika Tata nawa: chize ku haliapwila ndo kulutwe nunamunyingika, hinunamumono.

Yoano 15:23

Yoze manguvwila kole mayivwila mwe Tata nawa.

Yoano 3:5

Yesu wakumbulwile ngwenyi, Pundu, pundu, ngunambe kuli yena ngwami, Mutu kahashile kunjila mu wanangana wa Zambi shina masemuka ku meya ni kuli Spiritu.

Yoano 5:17

Alioze Yesu waakumbulwile ngwenyi, Tata kalinga ndo haliapwila, ni yami nakulinga.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

A-ROMA 2:13

mumu hi akwa kwivwa ko shimbi masamba kumeso ja Zambi, alioze makasambisa akwa kulinga shimbi.

Efesu 6:6

Hi ni kulingila cha meso ko, ngwe akwa kupemena kuli atu, alioze chizechene ngwe ndungo ja Kristu, nikulinga upale wa Zambi ni mbunge yeswe.

Kolosu 4:12

Mukwenu Epafwa, ndungo ya Kristu Yesu, kananumeneka, matangwa eswe nikulitachika chikolo hali yenu mu yilemba yenyi, hanga nukamane ngú, angunu, akwa kulisela chinyingi liakulu mu upale wa Zambi.

1 Tesalonika 4:3

Mumu chino we upale wa Zambi, ngwetu, usandu wenu, nukachine utanji.

1 Tesalonika 5:18

Ha yuma yeswe Sakwilenu; mumu chino we upale wa Zambi muli Kristu Yesu hali yenu.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Hebreu 13:21

akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.

Hebreu 4:6

Se kashika chinasala kuli amwe anjilemo, ni waze aambulwilile sango lipema kushi, kanjilile mumu ha uhulia.

Tiangu (Jake) 1:22

Alioze pwenu akwa kulinga lie liji, hi akwa kwivwa wika ko, ngwe nunaliongo yenwene.

1 Petulu 2:15

Mumu chocho we upale wa Zambi, ha kulinga yipema, nukakolese kwalajala cha yizuzuke.

1 Petulu 4:2

hanga kunuchi katwama nawa mu musunya ha miaka yenu yize yinasala, mukulinga usolo wa atu, aiioze mukulinga upale wa Zambi.

Usolwelo 2:27

Iye makaayula ni mbwechi ya utale, ngwe sapa ja tengi mujipalwoka tuyihanda; chizechene ngwe ni yami nawa hingunatambula kuli Tata:

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.

Usolwelo 3:5

Yoze makumba, chocho kumamujika mazalo atoma. Chichi kajimuna nichimwe jina lienyi mu mukanda wa mwono, aiioze mungukatayiza jina lienyi kumeso ja Tata, ni kumeso ja angelo jenyi.