Mateu 7:11 - MUKANDA USANDU WA ZAMBI 1975

¹¹ Kachi yenu, nuli api, nunanyingika kuhana yawana yipema kuli ana jenu, Shinaho chikolo Tatenu yoze uli mu malilu mahana yuma yipema kuli waze mamwita, nyi?

Mukanda Wa Zambi 1970

¹¹ Nyi yenu abi, nunanyingika kwaha ana jenu yuma yibema, kuma Tatenu wa mwilu kechi kaaha waze maamwita yuma yibema, nyi?

Mateu 7:11 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

2 Samuel 7:19

Chipwe chino chapwile chuma chikepe kuli yena Mwene Yehova, hiwahanjika ha kutwala ku munyachi wa yami kavumbi ke miaka yinji kulutwe. Mwene Yehova, chino chapwa ndako ja atu nyi?

Jobe 15:16

mba umwe mukwa kufutama, wakukokela lwaji! Umwe wakunwa uhenge ngwe meya!

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Miaso (Masamu) 85:12

Ewa, Yehova kumahana chize Chinapeme, mba chifuchi chetu muchikahana mbuto ya kulumbama.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Izaya 49:15

Pwo mahasa kuvulama mwana akwamwisa? Kechi kuvwila keke mwana wa mu jimo lienyi? Hanji o mavulama, hindu ami chichi kavulama yena.

Izaya 63:7

Mungwambulula utu wa zango lia Yehova. Mungwambulula uhaliso wa Yehova, nikulita ni yuma yeswe Yehova hatwaha, ni yipema yize yinene hahana ku munyachi wa Izalele, yize haaha nikulita ni keke yenyi, nikulita ni kulumbama cha utu wa zango lienyi.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Jeremia 33:14

Yehova kanambe ngwenyi, Matangwa kaneza muze mungumanuna chilakenyo chize nalakenyene ni munyachi wa Izalele, ni munyachi wa Yunda.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Mateu 23:9

Hano hashi kanda nukavuluka niumwe ngwenu, Tata: mumu umuwika Tatenu, te yoze uli mwilu.

Mateu 7:10

Hanji kachi meta yishi, mamwaha kapela, nyi?

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

A-ROMA 3:9

Mba kuchi? Tunaahiana, nyi? Ka, pundu; mumu hitunasumu kulu, ni A-Yunda ni A-Ngresia, ngwetu, O eswe kushi lia shili ali:

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

Galashia 3:22

Alioze yisoneko hiyayika yuma yeswe kushi lia shili, hanga akahane chilakenyo ku Ufulielo kuli Yesu Kristu kuli waze akufuliela.

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 4:10

Muno mulili zango, kuchapwile ngwe yetu twazangile Zambi, aiioze iye watuzangile yetu, watumine Mwanenyi kupwa kuka ha milonga yetu.