Mateu 7:1 - MUKANDA USANDU WA ZAMBI 1975

¹ Kanda nupatwila akwenu, mba kechi kanupatwila.

Mukanda Wa Zambi 1970

¹ “Kanda nuhisa akwenu. Nyi ka, Zambi makanuhisa.

Mateu 7:1 Iomraidhean Croise

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

Mateu 7:5

Chilembese, Uliange kuchiza mukambo mu liso lie; mba mumona kanawa kuchiza koma mu liso lia mukwenu.

Luka 6:37

Kanda nukapatwila akwenu, mba kechi kanupatwila; kanda nukahisa mba kechi kanuhisa; konekenenu, mba kumakanukonekena.

Luka 6:41

Alioze kuchi te unatale ku koma kaze kali mu liso lia mukwenu, alioze kushi kumona mukambo uze uli mu liso lie?

Yoano 8:7

Alioze muze anyongonwene nikumuhula, wahetukile, wambile kuli ayo ngwenyi, Yoze keshi shili hakachi kenu aliange kumwasa liwe.

Tiangu (Jake) 3:1

Kanda nupwa alongeshi anji, mandumbu jami, se nunanyingika yetu alongeshi mutukatambula upatwilo ukalu Wahiana.