Mateu 6:32 - MUKANDA USANDU WA ZAMBI 1975

³² Mumu yino yuma yeswe akwa mavungu kakuyifupa; mumu Tatenu wa mwilu kananyingika ngwe nwakufupafupa yino yuma yeswe.

Mukanda Wa Zambi 1970

³² Waze keeshi kufuliela kaakufupafupa yuma yize yeswe, ni Tatenu wa mwilu kananyingika ngwenyi, nuli nayo chikala.

Mateu 6:32 Iomraidhean Croise

1 Yitanga Ya Mianangana 19:6

Yatala, kuma, kwe ku mutwe wenyi mbolo yimwe ya kwocha ha makala ni mulondo wa meya. Yalia, yanwa mba yapomba nawa.

Miaso (Masamu) 103:13

Ngwe chisemi mavwila keke ana jenyi, chocho Yehova kakuvwila keke waze mamuvwila woma.

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Jeremia 45:5

Mba yena unalifupila yuma yilemu yena mwene nyi? Kanda uyifupa, mumu Yehova kanambe ngwenyi, Mungukoka yuma yikalu hali atu eswe, hindu mungukwaha mwono we ngwe upite wa jita kweswako muoya.

Mateu 6:8

Kashika kanda nukalifwa no: mumu Tatenu kananyingika yuma yize nwakufupafupa, shimbu kanda nwita kuli iye.

Luka 12:30

Mumu yuma yino yeswe mavungu a hashi kakuyifupa; ni Tatenu kananyingika ngwe nwakufupafupa yino yuma.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Filipu 4:19

Chocho Zambi yami kumakanwaha yize yeswe munuhona nikulita ni upite wenyi mu uhenya muli Kristu Yesu.

1 Tesalonika 4:5

Hi ni kusasaminya cha usolo ko, chizechene ngwe akwa mavungu waze kanyingikine Zambi.