Mateu 6:25 - MUKANDA USANDU WA ZAMBI 1975

²⁵ Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?

Mukanda Wa Zambi 1970

²⁵ “Kashika ngunanwambe ngwami, kanda nulibikala ha mwono wenu, chize munulia ni chize mununwa, chibwe ha mijimba yenu, chize munuzala. Mwono kuwahiana yakulia, ni mujimba kuwahiana mahina, hi chocho ko, nyi?

Mateu 6:25 Iomraidhean Croise

Miaso (Masamu) 55:22

Mbila chiteli che hali Yehova, iye makakukolesa. Kechi kutayiza akwa ululi kukokoloka nilimwe tangwa.

Jeremia 45:5

Mba yena unalifupila yuma yilemu yena mwene nyi? Kanda uyifupa, mumu Yehova kanambe ngwenyi, Mungukoka yuma yikalu hali atu eswe, hindu mungukwaha mwono we ngwe upite wa jita kweswako muoya.

Mateu 10:19

Alioze muze munukunjika, kanda nukalipikala ngwe chize munukahanjika: mumu kumakanwahacho ha ola yize chize munukahanjika.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 6:31

Kanda nulipikala kashika, ngwenu, Chika mutulia? Hanji, Chika mutunwa? Hanji, Chika mutuzala?

Mateu 6:34

Kanda nulipikala kashika ha tangwa lia hamene: mumu tangwa lia hamene ni yipikalo yalio. Yipi ya tangwa lieswe muyilita ni lie tangwa.

Marku 13:11

Alioze muze manutwala mukunukunjika kanda nukalipikala shimbu kanda ha kutwala ku chize munukamba, chipwe kanda nukachipukuna; alioze cheswacho makanwaha ha ola yize, che chize nukachihanjike; mumu hi yenu ko nwakuhanjika, alioze Spiritu Musandu.

Marku 4:19

alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda.

Luka 12:11

Muze manuneha kumeso ja masunangonga ni mianangana ni akwa kuyula, kanda nulipikala ha chize numukumbulula, hanji chize munukamba:

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

1 Korintu 7:32

Alioze ngunazange nukapwe kunushi yipikalo. Yoze kambachile mazanga yuma ya Mwene ngwe mahasa kupemena kuli Mwene:

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

2 Timoteu 2:4

Swalale niumwe malilimba ni yuma ya mwono uno; hanga akapemene kuli yoze hanamusela ku uswalale.

1 Petulu 5:7

Mbilenu yipikalo yenu yeswe hali iye, mumu kakunufunga.