Mateu 6:22 - MUKANDA USANDU WA ZAMBI 1975

²² Ndeya ya mujimba, liso: kashika kachi liso lie mulipwa Ungunu, kachi mujimba we weswe muuzala tò ni pangu.

Mukanda Wa Zambi 1970

²² “Meso kaali ngwe pangu lia mujimba. Nyi meso je maabwa angunu, mujimba we weswe muupanguka.

Mateu 6:22 Iomraidhean Croise

Izaya 5:20

Lamba kuli waze akutongola chipi ngwo, chipema, ni chipema ngwo, Chipi; akusumbakenya milima ni pangu, ni pangu ni milima; akusumbakenya chisasu ni chiyema, ni chiyema ni chisasu.

Mateu 5:15

Chipwe atu keshi kuwika ndeya, akayise mushi lia chisoka, alioze ha chikwachilo cha ndeya, mba muyitemuka kuli waze eswe ali mu zuwo.

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

Efesu 6:5

Yenu ndungo, Ononokenu kuli waze nikulita ni musunya anapu akakenu, ni woma, ni kuchikima, ni kutuwika cha mbunge jenu, chizechene ngwe kuli Kristu.

Kolosu 3:22

Yenu ndungo, Ononokenu ha yuma yeswe kuli waze apwa akakenu nikulita ni musunya; kanda nulingila ku meso wika, ngwe akwa kupemena kuli atu, alioze ni kutuwika cha mbunge, nikwivwa woma wa Mwene.