Mateu 6:2 - MUKANDA USANDU WA ZAMBI 1975

² Kashika muze muhana yawana, kanda ukemba chitavwi kulutwe lie, ngwe yilembese akulinga mu masunangonga ni mu mikombwelo, hanga akaachichimieke kuli atu. Pundu ngunambe kuli yenu ngwami, Hanatambula kwononona cho.

Mukanda Wa Zambi 1970

² “Kashika, muze muuhana yawana kuli yiswale, kanda wimba chitavwi kulutwe lie ngwe chize akulinga yilembekese mu mazuwo a kuwayila ni mu majila. Kaakuchilinga hanga atu aalemese. Chamwenemwene ngunanwambulwila ngwami, haanatambula kulu fweto yo.

Mateu 6:2 Iomraidhean Croise

Miaso (Masamu) 112:9

Hanamwange; hanahana kuli akwa kuhona. Ululi wenyi kuunalinduluka wa mutolo. Mbinga yenyi kumuyikanangama mu ulemu.

Miaso (Masamu) 37:21

Yingulungulu kakulambula alioze keshi kuhilwisa, alioze akwa ululi kakulinga ni vumbi, kakuhana lume.

Yishima 19:17

Mukwa kuvwila keke yiswale kakuhana kuli Yehova; chitanga chenyi chipema mamukundululacho.

Yishima 20:6

Mutu mweswe mambulula utu wenyi mwene; alioze mukwa jika iya mahasa kumuwana?

Longeshi 11:2

Kunjika chihanda kuli shimbiali hanji nake, mumu kwanyingikine chipi chize muchiza hashi.

Izaya 10:6

Ngunamutumu kulimika ni vungu lia yingandangali. Ngunanwehe shimbi kulimika ni atu ja ufwatulo wami, akatambule upite akapunde yikumba, akaaliate ngwe malowa ha tapalo.

Izaya 58:7

Ngwami, Kupangila kulia chenu ni akwa zala, kuneha mu mazuwo jenu yiswale waze keshi zuwo. Muze munumona yoze keshi mazalo numufuke, kanda nuswama kuli mutu ni mukwenu.

Izaya 9:17

Kashika Mwene kawahililile ni akweze jo; kavwilile keke ana-ashiwa ni tuliwa jo; mumu mutu mweswe chitanganyanyi ni chihenge, kanwa lieswe linahanjika uhepuke. Chipwe chocho utenu wenyi kuwakondolokele; kwoko lienyi hindu kanalizozo.

Hosea 8:1

Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

Mateu 15:7

Enu yilembese, Izaia waprofetezele kanawa hali yenu ngwenyi,

Mateu 16:3

Ha chimenemene ngwenu, Musono kangonga, mumu lilu linachili, Unavunduka. Yilembese, nunanyingika ngwe chize kusa chinyingi ku yuma ya malilu alioze kunwanyingikine kusa chinyingi ku yilayi ya miaka.

Mateu 22:18

Alioze Yesu wanyingikine ungulungulu wo, kashika wambile ngwenyi, Kuchi te nunangweseka, yenu yilembese?

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

Mateu 23:6

Kakufwila mihela yilemu ku yiteleka, ni yitwamo ya lutwe mu masunangonga,

Mateu 24:51

Mba kumakamupatula hakachi, makamusela chihanda hamwe ni yilembese: kumukukapwa malilo ni kulikopola ku mazo.

Mateu 5:18

Mumu pundu, ngunambe kuli yenu ngwami, Ndo lilu ni hashi muyihwa, toshi limuwika hanji toma yimuwika kuyichi kahwa nichimwe ku shimbi ndo yeswe muyiza kupwa.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mateu 6:3

Alioze yena muze muhana yawana, kwoko lie lia chimeso kanda likanyingika chize kwoko lie lia chindume mulilinga:

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

Mateu 7:5

Chilembese, Uliange kuchiza mukambo mu liso lie; mba mumona kanawa kuchiza koma mu liso lia mukwenu.

Marku 12:39

kakuzanga yitwamo ya lutwe mu masunangonga, ni mihela ya lutwe ku yiteleka.

Marku 7:6

Iye wambile kuli ayo ngwenyi, Izaia waprofetezele kanawa ha kutwala kuli yenu yilembese, ngwe chinasonewa ngwo, Wano atu kakungulemesa ni mivumbo yo, alioze mbunge jo jili kusuku ni yami.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Luka 11:43

Lamba lienu A-Fwariseu! mumu nwakuzanga yitwamo ya kulutwe mu masunangonga, nwakuzanga anumeneke mu yitanda.

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 12:56

Yilembese, nunanyingika ngwe chize kulumbununa kusoloka cha hashi ni lilu; alioze ngwe kuchi kunwanyingikine kulumbununa we mwaka?

Luka 13:15

Alioze Mwene wamukumbulwile ngwenyi, Yenu yilembese, mweswe hakachi kenu kakujitula ngombe yenyi, hanji chimbulu chenyi, ku chililo ha tangwa lia Sambata, akamutwale ku meya.

Luka 20:46

Keyelenu akwa kusonyeka, waze akufwila kwendangana ni mahina asuku a mukambo, akuzanga kwameneka mu yitanda, ni yitwamo ya kulutwe mu masunangonga, ni mihela ya kulutwe ku yiteleka;

Luka 6:24

Alioze lamba lienu, yenu pichi! mumu hinunatambula kulembejeka chenu.

Luka 6:42

Hanji ngwe kuchi muhasa kwamba kuli mukwenu ngwe, Mukwetu, nguchize koma kaze kali mu liso lie, muze yena mwene kushi kumona mukambo uze uli mu liso lie? Chilembese, Uliange kuchiza mukambo mu liso lie, mba mumona kanawa kuchiza koma kaze kali mu liso lia mukwenu.

Yoano 13:29

Mumu amwe ashinginyekene, ngwo, Mumu Yundase wapwile ni tuku, Yesu wambile kuli iye ngwenyi, Landa yuma yize tunafupu ha chiwanyino; hanji ahane chimwe kuli yiswale.

Yoano 5:41

Chishi kutambula uhenya kuli atu.

Yoano 5:44

Ngwe kuchi munuhasa kufuliela, yenu, nwakulichichimieka umwe kuli mukwo ni mukwo, kunushi kufupa uhenya uze wa kuli mwe Zambi umuwika.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Yilinga 10:4

Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

Yilinga 11:29

Ni tumbaji aliselele, mutu ni mutu nikulita ni upite wenyi, kutumisa kuli mandumbu waze atwamine mu Yundeya yimwe ya kulikwasa nayo:

Yilinga 24:17

Achi, kulutwe lia miaka yinji nahetele mukuhana yawana ni milambu ku vungu liami:

Yilinga 9:36

Achi, kwapwile ku Yopa umwe kambaji, jina lienyi Tavwita, Unalumbunuka Kai: yono pwo wazalile tò ni yitanga yipema ni kuhana cha yawana yize alingile.

A-ROMA 12:8

hanji yoze wakushinjila maliji, akashinjile; yoze wakulianyina, akahane nikuvungumiona; ni yoze wakusongwela asongwele ni mbunge yeswe; yoze wakulweza keke, akalweze keke nikusehejela.

1 Korintu 13:3

Chipwe mungupangila yikumba yami yeswe mukulisa yiswale, chipwe mungukunjika mujimba wami akawoche, alioze kachi chishi zango, chafumbukile nichimwe.

Galashia 2:10

Chino wika, ngwo, Tukewuluke yiswale; chuma chino chene ni yami nawa nasele mbunge yami kulinga.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

1 Tesalonika 2:6

chipwe tukafupe uhenya kuli atu, chipwe kuli yenu, chipwe kuli akwo, ka, muze te twahasa kunulemena ngwe apostolo ja Kristu.

1 Timoteu 6:18

Akalinge yipema, akapwe ni yitanga yipema ya kulumbama, akapwe akwa kunyengumuna, akwa kulianyina,

Filemu 1:7

Mumu uwahililo wunji ni kulembejeka nguli nacho mumu ha zango lie ndumbwami, mumu wakuhuzulula mbunge ja asandu.

Hebreu 13:16

Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.