Mateu 6:19 - MUKANDA USANDU WA ZAMBI 1975

¹⁹ Kanda nutulika upite hano hashi, haze ndulu ni ngengeya kuyakuvungula; haze eji kakulokola mazuwo nikwiya.

Mukanda Wa Zambi 1970

¹⁹ “Kanda nutulikila ubite hano hashi, haze ndulu ni ngengeya yaakwonona, haze eji akulokola mazuwo ni kwiya.

Mateu 6:19 Iomraidhean Croise

Jobe 24:16

Ha ufuku kakulokola mazuwo; ha mwalwa kakuliajila, kanyingikine mwalwa.

Jobe 31:24

Nyi hinafuliela oru, hanji najikijila ha oru yipema,

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Miaso (Masamu) 62:10

Kanda ufuliela mbenga. Kanda ulilengela ni ungumba. Chipwe upite muoka kanda ukausa mbunge ye.

Kutuhuka 22:2

Nyi makwata mwiji kanalokola zuwo, mamulamba chocho mafwa, kukuchi kapwa uhiso wa manyinga mumu hali iye.

Yishima 11:4

Upite kuuchi kukwasa ha tangwa lia ufwatulo; alioze ululi kuwakupulula ku kufwa.

Yishima 16:16

Kuzuka mana chawaha kuhiana oru. Ewa kutongola malinjekela chawaha kuhiana prata.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Mateu 19:21

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Mateu 6:20

Alioze litulikilenu upite mwilu, muze chipwe ndulu chipwe ngengeya kuyishi kuvungula, ni eji keshi kulokola mazuwo chipwe keshi kwiya.

Luka 12:21

Chocho anapu yoze wakulitulikila upite, keshi upite kuli Zambi.

Luka 12:33

Lanjisenu chize nuli nacho, hanenu yawana kuli yiswale; litungilenu yipakumuna yize kuyishi kupapujoka, upite mu malilu uze kuushi kuhwa, muze mwiji keshi kukundama chipwe ndulu keshi kupihisa.

Luka 12:39

Alioze chino nyingikenu, kachi mwenya zuwo wanyingikine ha ola yize meza mwiji, kachi walayile, kachi kamutayijile kulokola zuwo lienyi.

Luka 18:22

Muze Yesu evwile chino, wambile kuli iye ngwenyi, Hindu chuma chimuwika unahono; lanjisa yize yeswe uli nayo, ukapangile kuli yiswale, ukapwe ni upite mwilu; wize, ungukaule.

Luka 18:24

Muze Yesu amwene ngwe wevwile chinyengo chinji, wambile ngwenyi, Chikalu chikolo hali waze akwete upite kunjila mu wanangana wa Zambi.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.