Mateu 6:16 - MUKANDA USANDU WA ZAMBI 1975

¹⁶ Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mukanda Wa Zambi 1970

¹⁶ “Muze munulitwamina kulia ha kuwayila Zambi, kanda nusoloka kubwa ni chinyengo ngwe chize akusweka yilembekese. Kaakwalumuka ku meso hanga asoloke kuli atu eswe ngwo, kaanalitwamina kulia. Chamwenemwene ngunanwambulwila ngwami, haanatambula kulu fweto yo.

Mateu 6:16 Iomraidhean Croise

2 Samuel 12:16

David walembelele mwana kuli Zambi. David kalile. Wanjilile nikupomba ha mavu ufuku weswe.

2 Samuel 12:21

Tuvumbi twenyi ambile kuli iye ngwo, Chuma chino nwalinga, kuchi chinalumbunuka? Nwalilile ni kulitwamina kulia mumu hali mwana shimbu achili ni mwono. Alioze muze hafwa hinwakatuka, hinwalia.

1 Yitanga Ya Mianangana 21:27

Muze Ahabe wevwile maliji wano yasonya mazalo jenyi, yazala chikeleyi ha mujimba wenyi, yalitwamina kulia, yapomba mu chikeleyi ni kwenda ni vumbi.

Nehemia 1:4

Ha kwivwa maliji ano natwamine hashi nikulila nikulinyenga matangwa lume. Chatambwile kulia; nalembele kumeso ja Zambi ya mwilu,

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Miaso (Masamu) 109:24

Makungunwa jami kanazeye ha kulitwamina kulia. Maji eswe kanahu mu musunya wami.

Miaso (Masamu) 35:13

Alioze yami, muze ayijile nalijikile chikeleyi. Nayindamishine mbunge yami nikulitwamina kulia. Kulemba chami chahilukile mu tulo yami.

Miaso (Masamu) 69:10

Muze nalilile, nikufumba mbunge yami nikulitwamina kulia, acho chapwile nawa cha kunguchoka.

Daniel 9:3

Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Malaki 3:14

Hinwamba ngwenu, Kulingila Zambi, chamokomoko. Chika mutufumbula ha kufunga shimbi jenyi, hanji kwenda kumeso ja Yehova-wa-Tujita nikulinyenga?

Mateu 6:1

Keyelenu kanda nukalinga yilinga yenu ya ululi kumeso ja atu mukumoneka kuli ayo: nyi ka, kunushi kutambula kwononona nichimwe kuli Tatenu yoze uli mu malilu.

Mateu 6:2

Kashika muze muhana yawana, kanda ukemba chitavwi kulutwe lie, ngwe yilembese akulinga mu masunangonga ni mu mikombwelo, hanga akaachichimieke kuli atu. Pundu ngunambe kuli yenu ngwami, Hanatambula kwononona cho.

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

Marku 2:18

Tumbaji twa Yoano ni tumbaji twa A-Fwariseu apwile nikulitwamina kulia, no yeza, yamba kuli iye ngwo, Kuchi te tumbaji twa Yoano ni tumbaji twa A-Fwariseu akulitwamina kulia, alioze tumbaji twe keshi kulitwamina kulia?

Luka 18:12

Nakulitwamina kulia kaali ha semana, nakuhana chihanda cha kumi cha yuma yeswe nguli nayo.

Luka 2:37

iye wapwile twamishi ndo ku makumi nake a miaka ni miaka yiwana), kakatukile ku tembele, alioze wavumbikile Zambi, nikulitwamina kulia, nikuliumba ufuku ni mwalwa.

Yilinga 10:30

Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.

Yilinga 14:23

Mba muze te haatongwela makulwana mu yikungulwila yeswe, nikulemba, nikulitwamina kulia, aakunjikile kuli Mwene, yoze te hanamufuliela.

1 Korintu 7:5

Kanda nulilaka umwe ni mukwo, shina muchipwa ha kulitesa ha shimbu limwe, hanga nulitumbikile ku kulemba, hanga nukapwe hamuwika cheka nawa, hanga Satana kechi kanweseka mumu ha ulelu wenu wa kuyula mijimba yenu.

2 Korintu 11:27

nikukilikita nikuhondangana, nikulawoka kanji; ni zala ni pwila, nikulitwamina kulia kanji; ni chishika ni uvu.

2 Korintu 6:5

ni mijiji, mu mazuwo ja ususu, mu yizungozungo, ni kukilikita, ni kulawoka kanji, ni zala;