Mateu 6:13 - MUKANDA USANDU WA ZAMBI 1975

¹³ Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Mukanda Wa Zambi 1970

¹³ Kanda ututwala kama ku yeseko yikalu, alioze tufunge kama kuli mwe Mubi’. (Mumu we Wanangana, ni je tachi, ni we uhenya, yeswe niye ndoo ku miaka yeswe. Chibwe kama Chenacho.)

Mateu 6:13 Iomraidhean Croise

Ubutukilo 22:1

Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

1 Yitanga Ya Mianangana 1:36

Benaia mwana Jehoiada yakumbulula kuli mwanangana ngwenyi, Chochene! Yehova Zambi ya mwene wami mwanangana ambe chocho nawa.

1 Sango Ja Mianangana 16:36

Yehova Zambi ya Izalele akafumane, chize ku miaka ya mutolo ndo ku miaka ya mutolo! Atu eswe ambile ngwo, Amene, ahalishile Yehova.

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

1 Sango Ja Mianangana 4:10

Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

Miaso (Masamu) 10:16

Yehova iye mwanangana ndo ku miaka ya mutolo. Mavungu hanakuwu mu chifuchi chenyi.

Miaso (Masamu) 106:48

Yehova Zambi ya Izalele akafumane, chize ku miaka ya mutolo ndo ku miaka ya mutolo! Atu eswe ambe ngwo, Amene. Halisenu Yehova!

Miaso (Masamu) 22:28

Mumu wanganana wa mbala wa Yehova; iye mukwa kuyula helu lia mavungu.

Miaso (Masamu) 41:13

Afumane Yehova Zambi ya Izalele, chize ku miaka ya mutolo ndo ku miaka ya mutolo, Amene; Amene.

Miaso (Masamu) 47:2

Mumu Yehova, mwe Chitunda iye kole ni woma, iye mwanangana munene helu lia hashi heswe.

Miaso (Masamu) 47:7

Mumu Zambi iye mwanangana wa hashi heswe; imbenu miaso ya kumuhalisa ni chinyingi.

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Miaso (Masamu) 89:52

Yehova akafumane ku miaka ya mutolo. Amene ni Amene.

Kutuhuka 15:18

Yehova kumakayula ndo ku miaka yeswe ya mutolo.

Yishima 30:8

ngwami, Twala kusuku ni yami kulifuza ni mahuza; kanda ungwaha chipwe uswale chipwe upite; ungwehe kulia chize chinangute,

Jeremia 15:21

Mungukupulula ku kwoko lia chingulungulu; mungukuhula ku tachi ja mukwa uswi.

Jeremia 28:6

Profeta Jeremia yamba ngwenyi, Chikapwe chocho! Ngunazange Yehova alinge chocho. Yehova akalinge nikulita ni maliji hiwaprofeteza akachize ku Babilonia yikwachilo ya mu zuwo lia Yehova, ni njize eswe nikwahilwisa kuno cheka nawa.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 7:18

Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Kwalula 5:22

Ano meya a kuneha shingo manjila mu jimo lie, majimbisa mujimba we, masosewesa chitongo che. Mba mwe pwo mamba ngwenyi, Amene, Amene.

Mateu 26:41

Lenu, lembenu, hanga kunuchi kunjila mu cheseko: spiritu chamwenemwene yatakama, alioze musunya ulelu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 5:37

Alioze liji lienu likapwe, ewa, ewa; hanji ka, ka, mumu yeswayo yahiana yino yakatuka kuli mwe mupi.

Mateu 6:10

Wanangana we wize. Upale we ulingiwe hashi chizechene ngwe unalingiwe mwilu.

Yoano 17:15

Chalembele hanga ukaachize hashi, alioze hanga ukaafunge kuli mwe mupi.

1 Korintu 10:13

Nichimwe cheseko kuchanukwachile shina chize cha kulita ni chisemewa cha atu; alioze Zambi wamwenemwene, iye kechi katayiza akanweseke kuhiana chize munuhasa; alioze hamwe ni cheseko makanumwesa jila ya kutuhukamo hanga nukahase kunyongonona.

1 Korintu 14:16

Nyi ka, kachi mufumanyisa ni Spiritu, ngwe kuchi yoze kanyingikine mamba ngwenyi, Amene, ha kusakwila che? Se kanyingikineko chize unambe.

2 Korintu 1:20

Mumu yilakenyo yeswe ya Zambi cheswacho muyipwa, muli iye hiyapwa ewa, muli iye nawa hiyapwa Amene, hanga kuli yetu uhenya ukapwe kuli Zambi.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Shimbi 8:16

Iye wanulishile maná mu puya, akakenu kayinyingikine, hanga anulelese, hanga anweseke, mba ha kusula akanulinge chipema.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

2 A-TESALONIKA 3:3

Alioze Mwene wamwenemwene, mwenawo kumakanujikijisa, makanufunga ku yipi.

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

Hebreu 11:36

Akwo aesekele ni kwakekuna ni kwalamba ni shikote, ewa, ndo ku malenge ni mazuwo ja ususu;

1 Petulu 5:8

Keyelenu, lenu; mumu mukwa kole yenu ndiapu, ngwe ndumba wa kuhanjika lundunjila kakwendangana nikufupa yoze mahasa kumuumbula.

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

Usolwelo 19:1

Mba kulutwe lia yino yuma nevwile ngwe liji linene lia mbunga yinene mwilu, ngwo, Aleluya! Ni ulamwino, ni uhenya, ni tachi, ja mbala ja Zambi yetu.

Usolwelo 19:4

Ni makumi aali a makulwana ni makulwana awana, ni akwa mwono awana afulamanyine, akawayile Zambi, yoze watwama ha ngunja, ngwo, Amene; Aleluya!

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 21:4

Iye makakusumuna masoji eswe ku meso jo; ni kufwa kuchichi kapwa nawa; kukuchi kapwa nawa kunenganyana, chipwe miteto, chipwe yikola, ka: mumu yuma yitangu hiyinahu.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,

Usolwelo 5:13

Ni yuma yeswe ya kutangiwa, yize yili mwilu, ni hano hashi, ni kushi lia hashi, ni mu kalunga-lwiji, ni yuma yize yeswe yilimo, naavwile ngwo, Lufuma, ni ulemu, ni uhenya, ni ndundo yikapwe kuli yoze watwama ha ngunja ni kuli mwe Mwana-panga ndo ku miaka yeswe ya mutolo.