Mateu 6:10 - MUKANDA USANDU WA ZAMBI 1975

¹⁰ Wanangana we wize. Upale we ulingiwe hashi chizechene ngwe unalingiwe mwilu.

Mukanda Wa Zambi 1970

¹⁰ Wanagana we wize, upale we ulingiwe hano hashi ngwe chize unalingiwa mwilu.

Mateu 6:10 Iomraidhean Croise

Nehemia 9:6

Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Izaya 2:2

Muchiza kupwa ha matangwa a kusula mulundu wa zuwo lia Yehova maukolesa ukahiane milundu yeswe ha kusuha. Maunangamisa helu lia mindundena yeswe, mba mavungu eswe matalikisako.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 12:50

Mumu mweswawo malinga upale wa Tata yoze uli mu malilu, iye mapwa mwanakwetu ni pangiami ni mama.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 26:42

Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 4:17

Chize ku mwaka uze Yesu waputukile kwambujola, ngwenyi, Likonyekenu; mumu wanangana wa malilu hiunakundama.

Mateu 7:21

Hi mweswe ko mamba kuli yami ngwenyi, Mwene, Mwene, makanjila mu wanangana wa malilu, alioze yoze wakulinga upale wa Tata yoze uli mu malilu.

Marku 11:10

Kuwafumana wanangana uze muwiza, wanangana wa kulwetu David: Vulie mwilu mwahiana!

Marku 3:35

Mumu mweswawo malinga upale wa Zambi, mwenawo mwanakwetu, ni pangiami, ni mama.

Luka 19:11

Alioze shimbu machipanjika ku yino yuma, wawezele kutela chishima, mumu apwile hakamwihi ni Yerusaleme, mumu ashinginyekene ngwo, Wanangana wa Zambi himuusoloka.

Luka 19:38

ngwo, Kawaha Mwanangana yoze meza mu jina lia Mwene: sambukila mwilu, ni uhenya mwilu mwahiana.

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yilinga 13:22

Muze te hamuchiza, wasolwele David kuli ayo kupwa mwanangana wo; kuli iye nawa washindakenyene, ngwenyi, Hingunawane David mwana Yese, lunga wa kulita ni mbunge yami, iye kumakalinga upale wami weswe.

Yilinga 21:14

Muze katayileko, twaholele, ngwetu, Upale wa Mwene ukalingiwe.

Yilinga 22:14

Iye wambile ngwenyi, Zambi ya tulamba twetu hanakusela kunyingika upale wenyi, nikumona mukwa ululi, nikwivwa liji mu kanwa lienyi.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

Efesu 6:6

Hi ni kulingila cha meso ko, ngwe akwa kupemena kuli atu, alioze chizechene ngwe ndungo ja Kristu, nikulinga upale wa Zambi ni mbunge yeswe.

Kolosu 1:13

mwenawo hanatupulula ku chiyulo cha milima, hanatututulwila ku wanangana wa mwe Mwana wa zango lienyi.

Kolosu 1:9

Ha chikuma chino, ni yetu nawa, chize ku tangwa lize twachivwile, kutushi kulitwamina kunulembela ni kunwichila, hanga nukazale tò ni yinyingi yeswe ya upale wenyi ni mana eswe ni malinjekela ja uspiritu;

1 Tesalonika 4:3

Mumu chino we upale wa Zambi, ngwetu, usandu wenu, nukachine utanji.

1 Tesalonika 5:18

Ha yuma yeswe Sakwilenu; mumu chino we upale wa Zambi muli Kristu Yesu hali yenu.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 10:36

Mumu Chanutamba kunyongonona, nulinge upale wa Zambi, nukatambule che chilakenyo.

Hebreu 10:7

Hohene nambile ngwami, Talenu, Zambi nguneza. (Mu chivungo cha mukanda chinasonewa hali yami) mukulinga upale we. Zambi.

Hebreu 13:21

akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.

1 Petulu 2:15

Mumu chocho we upale wa Zambi, ha kulinga yipema, nukakolese kwalajala cha yizuzuke.

1 Petulu 4:2

hanga kunuchi katwama nawa mu musunya ha miaka yenu yize yinasala, mukulinga usolo wa atu, aiioze mukulinga upale wa Zambi.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 12:10

Mba nevwile liji linene mwilu ngwo, Haliapwila ulamwino, ni tachi, ni wanangana wa Zambi yetu hiuneza, ni yiyulo ya Kristu yenyi: mumu hananyase hashi mukwa kusuma mandumbu jetu, yoze wakwasuma kumeso ja Zambi yetu mwalwa ni ufuku.

Usolwelo 19:6

Mba nevwile ngwe liji lia mbunga yinene, ngwe liji lia kukulunguza cha ngolo, ngwo, Aleluya! Mumu Mwene Zambi yetu, mwe Mukwa-Ndundo-Jeswe kanayulu!

Usolwelo 20:4

Mba namwene ngunja ni waze atwamineho, mba aahele upatwilo: namwene alma ja waze aatapile ha Shindakenyo ya Yesu, ni ha liji lia Zambi, ni waze kawayilile ngongo, chipwe kaponya kenyi, ka, katambwile mufunda ha mahuma jo ni ha moko jo; o atwamine ni mwono, ayulile hamwe ni Kristu kanunu ka miaka.