Mateu 6:1 - MUKANDA USANDU WA ZAMBI 1975

¹ Keyelenu kanda nukalinga yilinga yenu ya ululi kumeso ja atu mukumoneka kuli ayo: nyi ka, kunushi kutambula kwononona nichimwe kuli Tatenu yoze uli mu malilu.

Mukanda Wa Zambi 1970

¹ “Kanyamenu, kanda nulinga yitanga yenu ya ululi ni mazangi ku meso ja atu. Nyi ka, kunuchi katambula nichimwe kuli Tatenu a mwilu.

Mateu 6:1 Iomraidhean Croise

1 MIANANGANA 10:16

Yamba ngwenyi, Tweya ni yami ukamone chize nakulinga ni mbunge yeswe hali Yehova. Chocho yamwendesa mu temba lienyi.

1 MIANANGANA 10:31

Alioze Jehu kanyongene kwenda mu shimbi ja Yehova Zambi ya Izalele ni mbunge yenyi yeswe. Kechele milonga ya Jeroboame yize avulumwishine nayo A-Izalele.

Miaso (Masamu) 112:9

Hanamwange; hanahana kuli akwa kuhona. Ululi wenyi kuunalinduluka wa mutolo. Mbinga yenyi kumuyikanangama mu ulemu.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Zakaria 13:4

Ha tangwa lize profeta mweswe mavwila sonyi usolwelo wenyi ha kuprofeteza. Kechi kazala uzalo wa wona akonge atu,

Zakaria 7:5

Amba kuli atu eswe a mu chifuchi hamwe ni asasendote ngwenu, Ha kulitwamina kulia ni kulinyenga ha kakweji wamuchitano ni wamuchishimbiali, miaka yino makumi shimbiali, te yami nunachilingila?

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 16:6

Yesu wambile kuli ayo ngwenyi, Talenu, keyelenu futunwiso ya A-Fwariseu ni A-Satuseu.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Mateu 5:46

Mumu kachi nunazange waze akunuzanga, kwononona chika nuli nacho? Chipwe akwa kufwetesa lijimu keshi kulinga chimuwika, nyi?

Mateu 5:48

Kashika pwenu angunu, ngwe Tatenu wa mwilu kapwa mungunu.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Marku 8:15

Iye waakanyamishine ngwenyi, Kanyamenu, keyelenu futunwiso ya A-Fwariseu, ni futunwiso ya A-Heronde.

Luka 11:35

Chitalenu, kashika pangu lize lili muli yena kanda Ukapwa milima.

Luka 12:1

Muze tununu anji akungulukile chocho aliachile umwe hali mukwo, waputukile kwamba kuli tumbaji twenyi kuliangila ngwenyi, Keyelenu futunwiso ya A-Fwariseu, yenayo ulembese.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Yoano 12:43

mumu azangile uhenya wa atu, hi uhenya wa Zambi ko.

Yoano 5:44

Ngwe kuchi munuhasa kufuliela, yenu, nwakulichichimieka umwe kuli mukwo ni mukwo, kunushi kufupa uhenya uze wa kuli mwe Zambi umuwika.

Yilinga 3:12

Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga?

Galashia 6:12

Waze eswe akuzanga kulenga ni musunya, kakunushinjika akanupwise ngalami; chino wika, hanga kechi kamona yihungumiona mumu ha kulusu ya Kristu.

Shimbi 24:13

ukamuhilwishile chifungo ha kutoka cha tangwa, apombe ni mazalo jenyi, akuwahise, mba muchipwa ululi kuli yena kumeso ja Yehova Zambi ye.

Hebreu 11:26

Se kananyongo ngwenyi, Luchoko yoze achokele nenyi Kristu, hapwa upite kuhiana yikumba ya Engitu: mumu wahulikilile meso ku kwononona.

Hebreu 2:1

Kashika chatutamba kupanjika kuhiana chikolo ku yuma yize twevwile, kuchina hanji mutusesumukako.

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

2 Yoano 1:8

Litatenu kuli yenwene, hanga kutuchi katokesa yuma yize hitunalingi, aiioze hanga tukatambule kwononona cheswe.