Mateu 5:48 - MUKANDA USANDU WA ZAMBI 1975

⁴⁸ Kashika pwenu angunu, ngwe Tatenu wa mwilu kapwa mungunu.

Mukanda Wa Zambi 1970

⁴⁸ Bwenu angunu mu ululi ngwe chize abwa Tatenu wa mwilu mungunu.”

Mateu 5:48 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

2 Samuel 22:31

Ha kutwala kuli Zambi jila yenyi yingunu. Liji lia Yehova lia kweseka kulu, iye lukepwe wa waze aswama mul i iye.

Miaso (Masamu) 37:37

Usele chinyingi hali mutu mungunu; tala mwe mukwa kululama, mumu songo lienyi mulipwa sambukila.

Alevi 11:44

Mumu yami Yehova Zambi yenu, kashika munukalihandununa nukalisele ku usandu, se ni yami nguli musandu. Kanda nukalichisa ni kashitu niumwe mukwa kulikoka ha mavu.

Alevi 19:2

Amba ku chikungulwila cheswe cha A-Izalele ngwe, Pwenu asandu mumu yami Yehova Zambi yenu nguli musandu.

Alevi 20:26

Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Mateu 5:47

Mumu kachi nunameneka akwenu wika, ika nunalingi kuhiana akwo? Akwa mavungu keshi kulinga chocho, nyi?

Luka 6:36

Pwenu akwa keke kashika chizechene ngwe Tatenu nawa iye mukwa keke.

Luka 6:40

Kambaji keshi kuhiana longeshi yenyi: alioze mweswe mungunu kumakapwa chizechene ngwe longeshi yenyi.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

2 Korintu 13:9

Mumu twakuwahilila muze mutulela, ni yenu munupwa ni tachi: chino nawa twakulembela ngwetu, Nukapwe a muwundu.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Efesu 3:1

Ha chikuma chino yami Paulu, funge ya Kristu Yesu mumu hali yenu akwa mavungu,

Shimbi 18:13

Nupwe angunu ni Yehova Zambi yenu.

Shimbi 27:10

Kashika, zeyenu ku liji lia Yehova Zambi yenu, nulinge maliji jenyi a shimbi ni yiyulo yenyi, ngunanwambeyo musono.

Kolosu 1:28

Iye twakumwambujola, nikukanyamisa mutu ni mutu, nikulongesa mutu mweswe ni mana eswe, hanga tukatumbikile mutu ni mutu mungunu muli Kristu.

Kolosu 4:12

Mukwenu Epafwa, ndungo ya Kristu Yesu, kananumeneka, matangwa eswe nikulitachika chikolo hali yenu mu yilemba yenyi, hanga nukamane ngú, angunu, akwa kulisela chinyingi liakulu mu upale wa Zambi.

Tiangu (Jake) 1:4

Alioze kunyongonona chikapwe ni chitanga chacho chingunu, hanga nukapwe angunu, a muwundu, nikuhona nichimwe.

1 Yoano 3:3

Ni mweswe uli ni kutalatala chino muli iye, kakulitomesa chizechene ngwe iye mutoma.