Mateu 5:45 - MUKANDA USANDU WA ZAMBI 1975

⁴⁵ hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Mukanda Wa Zambi 1970

⁴⁵ hanga nukabwe ana ja Tatenu wa mwilu. Mumu kakuvumbula tangwa lienyi hali abi ni abema; kakunokesa vula hali akwa ululi ni hali yingulungulu.

Mateu 5:45 Iomraidhean Croise

Jobe 25:3

Mahasa kwalula tujita twenyi? Pangu lienyi kuliavumbukile hali iya?

Miaso (Masamu) 145:9

Yehova iye mupema kuli eswe. Keke yenyi yinene yahiana yitanga yenyi yeswe.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Mateu 5:9

Kawaha yitakanyishi, mumu kumakaavuluka ngwo, Ana a Zambi.

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Yoano 13:35

Ku chino eswe makanyingika yenu nuli tumbaji twami, kachi munupwa ni zango umwe kuli mukwo ni mukwo.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Efesu 5:1

Kashika pwenu akwa kwimbulula Zambi, ngwe ana aze anaazange chikolo.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

1 Yoano 3:9

Mweswawo masemewa kuli Zambi keshi kuvulumiona, mumu chisemewa chenyi kuchakutwama muli iye: iye kahashile kuvulumiona, mumu hanasemewa kuli Zambi.