Mateu 5:42 - MUKANDA USANDU WA ZAMBI 1975

⁴² Hana kuli yoze makwita, ni kuli yoze mazanga kukutambula mukuli kanda ukamumba nyima.

Mukanda Wa Zambi 1970

⁴² Hana kuli yoze makwita, kanda umina yoze makutambula mukuli.”

Mateu 5:42 Iomraidhean Croise

Miaso (Masamu) 37:21

Yingulungulu kakulambula alioze keshi kuhilwisa, alioze akwa ululi kakulinga ni vumbi, kakuhana lume.

Yishima 19:17

Mukwa kuvwila keke yiswale kakuhana kuli Yehova; chitanga chenyi chipema mamukundululacho.

Yishima 21:26

Kwali yoze wakwivwa chipululu chinji tangwa lieswe nganganga; alioze mukwa ululi kakuhanahana, keshi kumina.

Longeshi 11:6

Kuwa mbuto ye ha chimene, ni ha chingoloshi kanda ulitwamina, mumu kwanyingikine yize muyiwaha, shina yize nyi shina yino, hanji jeswe ni jiali mujipema chimuwika.

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Mateu 5:41

Mweswawo makukamba kuya nenyi kilometro yimuwika, yako nenyi jiali.

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

A-ROMA 12:20

Alioze kachi mukwa kole ye mevwa zala, mulise; kachi mevwa pwila, munwise; mumu ha kulinga chocho, mukalunjika makala a kahia ha mutwe wenyi.

Hebreu 13:16

Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.