Mateu 5:41 - MUKANDA USANDU WA ZAMBI 1975

⁴¹ Mweswawo makukamba kuya nenyi kilometro yimuwika, yako nenyi jiali.

Mukanda Wa Zambi 1970

⁴¹ Nyi umwe mukwa kuyula makushinijka ni tachi ha kuya nenyi kilometro yimuwika, yako nenyi nawa ya muchaali.

Mateu 5:41 Iomraidhean Croise

Mateu 27:32

Shimbu machituhuka, awanyine mutu wa ku Serene, jina lienyi Semone: amukambile, aye hamwe no hanga ambate kulusu yenyi.

Mateu 5:40

Kachi umwe mazanga kukusuma mulonga, akuchize mbinja, mwehe chikuto che nawa.

Mateu 5:42

Hana kuli yoze makwita, ni kuli yoze mazanga kukutambula mukuli kanda ukamumba nyima.

Marku 15:21

O yakamba umwe mukwa kupalika te kanakatuka ku minda, Semone, Ka-Serene, tato ya Alezandre ni Rufu, aye no hanga ambate kulusu yenyi.

Luka 23:26

Shimbu machimutwala, akwachile umwe Semone, Ka-Serene, kanakatuka ku minda, o amutwikile kulusu, ayimbate kunyima lia Yesu.

2 Korintu 5:14

Mumu zango lia Kristu kuliakutulingisa; mumu chocho tunapatula, ngwetu, Umuwika wafwilile eswe, kashika eswe afwile;