Mateu 5:34 - MUKANDA USANDU WA ZAMBI 1975

³⁴ Alioze yami ngunambe kuli yenu ngwami, Kanda nulishinga nichimwe; chipwe ni lilu, mumu ye ngunja ya Zambi;

Mukanda Wa Zambi 1970

³⁴ Alioze yami ngunanwambulwila ngwami, kanda ulishinga nichimwe, chibwe ni lilu, mumu lili ngwe chitwamo cha wanangana cha Zambi;

Mateu 5:34 Iomraidhean Croise

Miaso (Masamu) 11:4

Yehova mwali mu tembele yenyi yisandu. Ngunja ya Yehova mwilu yili. Meso jenyi ni yindayizo yenyi kuyakutala, kuyakweseka ana ja atu.

Longeshi 9:2

se songo limuwika liakwawana eswe; mukwa ululi ni chingulungulu, ni mupema, ni mukwa kulinanga ni mukwa kulichisa, mukwa chitapo ni yoze keshi kushiha chitapo. Chize apwa mupema, ni chivulumunyi, neye chocho; ni mukwa kulishinga chimuwika apwa ni yoze machina mashingo.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 66:1

Yehova kanambe ngwenyi, Lilu liapwa ngunja yami, ni hashi chitwamo cha yiliato yami. Zuwo lize munungutungila lika? Kuma kwami kwa kuhwimina kuchi kwapwa?

Yilinga 7:49

Ngunja yami lie lilu, ni hashi hanapu chitwamo cha yiliato yami: Zuwo lika mukangutungila? Chocho anambe Mwene ngwenyi: Hanji mulihi muma mwa uhwimino wami?

Tiangu (Jake) 5:12

Alioze kuhiana yuma yeswe, mandumbu jami, kanda nulishinga, chipwe ni lilu, chipwe ni hashi, chipwe ni shingo likwo nilimwe: aiioze “ewa” yenu yikapwe “ewa”, ni “ka” yenu yikapwe “ka”; hanga kunuchi kulimbukila mu upatwilo.