Mateu 5:30 - MUKANDA USANDU WA ZAMBI 1975

³⁰ Nyi kachi kwoko lie lia chindume mulikutalingisa, liteteko, ulimbile: mumu Shinaho utokese chihanda chimuwika kuchina mujimba we weswe maumbila mu Ngehena.

Mukanda Wa Zambi 1970

³⁰ Nyi kwoko lie lia chindume mulikuvulumwisa, Ubatule, ulimbile. Mumu shinoho utokese Chihanda chimuwika, kuchina mujimba we weswe akaumbile mu kahia.”

Mateu 5:30 Iomraidhean Croise

Mateu 11:6

Kawaha mweswawo keshi kuwana chitalingiso muli yami.

Mateu 13:21

Alioze keshi muji muli iye mwene, manyongonona ha shimbu likepe; muze luyinda hanji yihungumiona muyiza mumu ha liji, haze hene matalinga.

Mateu 16:23

Alioze watewulukilile kuli Petulu ngwenyi, Sosolokako kunyima yami, Satana: uli chitalingiso kuli yami: mumu kushi kunyonga yuma ya Zambi alioze yuma ya atu.

Mateu 17:27

Alioze hanga kutuchi kaatalingisa, yako ku Chitende, ukambile kazambu, ukoze yishi yoze mutangu matutuka; mba muze hiwapakula kanwa lienyi, kumukawana lumbongo: ukamumbate, ukamuhane kuli ayo hali yami ni yena.

Mateu 18:8

Nyi kachi kwoko lie hanji kulu lie mulikutalingisa, liteteko, ulimbile: Shinaho hali yena unjile mu mwono chilema hanji kahundu, kuhiana kukumbila mu kahia ka mutolo ni moko je aali ni meso aali.

Mateu 22:13

Hohene mwanangana wambile kuli tuvumbi ngwenyi, Mukasenu molu ni moko, numumbile mu milima ya haze; kumukukapwa malilo ni kulikopola ku mazo.

Mateu 25:20

Yoze watambwile mbongo jitano, wejile nikuneha mbongo jikwo jitano, ngwenyi, Mwene, yena wangukunjikile mbongo jitano: talenu, hingunatambula mbongo jikwo jitano.

Mateu 26:31

Hohene Yesu yamba kuli ayo ngwenyi, Yenu eswe kumunukatalinga mumu hali yami ufuku uno: mumu chinasonewa ngwo, Mungulamba kafunga, mba mapanga a ku mbunga makamwangana.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Mateu 5:29

Alioze kachi liso lie lia chindume mulikutalingisa, litombongonemo, ulimbile: mumu Shinaho utokese chihanda chimuwika, kuchina mujimba we weswe makaumbila mu Ngehena.

Marku 9:43

Nyi kachi kwoko lie mulikutalingisa, liteteko: Shinaho unjile mu mwono kahundu, kuchina nikupwa ni moko aali ukaye ku Ngehena, ku kahia kaze kukeshi kuhasa kujima.

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Luka 17:2

Hapwa ajichike liwe lia kutwa nalio ha kota yenyi, amumbile mu kalunga-lwiji, kuchina matalingisa umwe wa kuli wano akepe.

A-ROMA 9:33

Ngwe chinasonewa ngwo, Talenu mungusa mu Zaione liwe lia kuhukanyisa, ni luliwe lwa kutalingisa; ni yoze mafuliela kuli iye kechi kevwa sonyi.

1 Korintu 8:13

Kashika kachi kulia muchitalingisa ndumbwami, chichi kalia nawa yifwo niyimwe ndo ku miaka ya mutolo, hanga chichi katalingisa ndumbwami.

Galashia 5:11

Alioze yami, mandumbu, kachi nguchili nikwambujola ungalami, kuchi te nguchili nikumona yihungumiona? Kachi chocho kevwe, chitalingiso cha kulusu ya Kristu chinahu.

1 Petulu 2:8

Chikwo ngwo, liwe lia kuhukanyisa, ni luliwe lwa kutalingisa; mumu kakuhukana ku liji, se keshi kwononoka: ku chize aatongwelele.