Mateu 5:3 - MUKANDA USANDU WA ZAMBI 1975

³ Kawaha yiswale mu Spiritu, mumu wanangana wa malilu niwo.

Mukanda Wa Zambi 1970

³ “Kaawaha waze akunyingika ngwo: ‘tuli yiswale mu mbunge,’ mumu Wanangana wa mwilu niwo!

Mateu 5:3 Iomraidhean Croise

2 Sango Ja Mianangana 33:12

Mu lamba lienyi yaliumba kuli Yehova Zambi yenyi, yalilelesa chikolo kumeso ja Zambi ya tulamba twenyi.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

2 Sango Ja Mianangana 33:23

Kalilelesele kumeso ja Yehova ngwe tato Manase walilelesele, alioze yono Amone wawezelele Utanguko helu nawa.

2 Sango Ja Mianangana 34:27

mumu mbunge ye yapwile yovu, ni yena walilelesele kumeso ja Zambi ha kwivwa maliji jenyi a kulimika ni chifuchi chino ni atu jamo, hiwalilelesa kumeso jami, hiwasonya mazalo je nikulila kumeso jami, ni yami hinakupanjika, chocho kanambe Yehova.

2 Sango Ja Mianangana 7:14

nyi atu jami waze hinaaluka jina liami malikehesa, ni kulemba, ni kufupa meso jami, ni kukatuka ku ndako jo jipi, ami mwilu mungupanjika, mungukonekena mutonga wo, munguwuka chifuchi cho.

Jobe 42:6

kashika ngunalilelesa, ngunalikonyeka mu fufuta ni uto.

Miaso (Masamu) 1:1

Kawaha mutu yoze keshi kwenda mu chiyulo cha yingulungulu, keshi kumana mu jila ya yivulumunyi, keshi kutwama mu chitwamo cha akwa kulenya.

Miaso (Masamu) 112:1

Halisenu Yehova! Kawaha yoze wakuvwila woma Yehova; yoze wakuwahilila chikolo mu shimbi jenyi.

Miaso (Masamu) 128:1

Kawaha mweswawo wakuvwila woma Yehova nikwenda mu majila jenyi.

Miaso (Masamu) 146:5

Kawaha yoze uli ni Zambi ya Yakomba kumukwasa; kutalatala chenyi chili muli Yehova Zambi yenyi,

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 34:18

Yehova katwama hehi ni waze amakuka mbunge. Kakulamwina waze akwete Spiritu ya kupihilila.

Miaso (Masamu) 41:1

Kawaha yoze wakunyonga yiswale. Yehova kumakamupulula ha tangwa lipi.

Miaso (Masamu) 51:17

Yitapo ya Zambi, spiritu yize yinamakuka. Yena Zambi kushi kulelesa mbunge yize ya kulimakuna nikulikehesa.

Miaso (Masamu) 84:12

Yehova-wa-Tujita, kawaha yoze wakukufuliela. Kuli Njimba mukwa lutwe. Samu lia ana a Kora.

Yishima 16:19

Kulikehesa hamwe ni yiswale chawaha kuhiana kulipangila upite ni akwa kulengumuka.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Yishima 8:32

Mba haliapwila, ana jami a malunga, ngwivwenu, mumu kawaha waze akuya mu majila jami.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 11:6

Kawaha mweswawo keshi kuwana chitalingiso muli yami.

Mateu 13:16

Alioze kawaha meso jenu, mumu kanamono, ni matwi jenu mumu kanevu.

Mateu 19:14

Alioze Yesu wambile ngwenyi, Tayizenu ana akepe, kanda nwakanjisa kwiza kuli yami: mumu wanangana wa malilu wa wano ene.

Mateu 24:46

Kawaha ndungo yoze mwene wenyi muze meza mamuwana kanalingi chocho.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 3:2

ngwenyi, Likonyekenu; mumu wanangana wa malilu hiunakundama.

Mateu 8:11

Alioze ngunambe kuli yenu ngwami, Anji a ku Chivumbuko ni ku Chitokelo kumakeza, makatwama ku mesa hamwe ni Apalahama, ni Izake, ni Yakomba mu wanangana wa malilu.

Marku 10:14

Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene.

Luka 11:28

Iye wambile ngwenyi, Ewa Shinaho, kawaha waze akwivwa liji lia Zambi nikulifunga.

Luka 18:14

Ngunambe kuli yenu ngwami, Yono wapalumukine ku zuwo lienyi mukwa kusamba, hi mukwo ko. Ni mweswe malinangamisa makanuhetesa; alioze yoze malilelesa kumakamunangamisa.

Luka 22:29

ngunannsela wanangana, chizechene ngwe Tata wanguselelewo.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Yoano 20:29

Yesu yamba kuli iye ngwenyi, Mumu hiwangumona hiwafuliela; kawaha waze kangumwene hindu hanafuliela.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Tiangu (Jake) 1:10

ni pichi akalisambe muze mamulelesa: mumu ngwe yitemo ya mwambu, kumakahwa.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Usolwelo 19:9

Iye yamba kuli yami ngwenyi, Soneka ngwe, Kawaha waze hanaatambika ku ulungi wa mwe Mwana-panga. Iye yamba kuli yami ngwenyi, Wano e maliji amwenemwene a Zambi.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.

Usolwelo 3:17

Mumu yena wakwamba ngwe, Nguli pichi, hingunapichi upite, chishi kuhona nichimwe; kwanyingikine yena uli mwe mukwa kulungajala, ni mukwa hunya, ni chiswale, ni kapuputa, ni uselesele uli nawo.