Mateu 5:25 - MUKANDA USANDU WA ZAMBI 1975

²⁵ Litese nikawashi ni mukwa kole ye, shimbu uli hamwe nenyi mu jila, kuchina hanji mukwa kole ye makukunjika kuli sopi, ni sopi makukunjika kuli kapita, akakumbile mu zuwo lia ususu.

Mukanda Wa Zambi 1970

²⁵ “Nyi mukwa kole ye kanakutwala kuli ngaji, eseka kulitese nenyi nikawashi shimbu muchili mu jila, muze kanda achikukunjika kuli ngaji. Nyi ka, mukwa kole ye makakukunjika kuli ngaji, ni ngaji makakukunjika kuli kafunga, ni kafunga makakumbila mu zuwo lia lamba.

Mateu 5:25 Iomraidhean Croise

Jobe 22:21

Wana ni Zambi ukawane sambukila; chocho yipema muyiza kuli yena.

Miaso (Masamu) 32:6

Ha chikuma chino mweswe mukwa kuwayila akalembe kuli yena ha mwaka uze mahasa kukuwana. Chipwe muze meya a masanga masupwoka kechi kamuheta.

Yishima 25:8

Kanda ulipupula kutuhuka kulitachika kuchina hanji ku songo liacho kuchi kunyingika chize mulinga muze mukwenu hakukolesa sonyi.

Mateu 26:58

Petulu wamukawile kanonajila, ndo ku yize ya sasendote mukwa lutwe, neye wanjilile, Watwamine hamwe ni tupita, akamone songo.

Luka 18:3

Kwapwile nawa twamishi wa pwo mu limbo lize; wejile kanji kuli iye, ngwenyi, Ngukale ha mukwa kole yami.

2 Korintu 6:2

(Mumu kanambe ngwenyi, Ha mwaka upema nahalakanyine kuli yena, ha tangwa lia ulamwino nakupulwile: tala, haliapwila we mwaka upema chikolo; tala, haliapwila lie tangwa lia ulamwino:)

Hebreu 12:17

Mumu nunanyingika chipwe kulutwe, muze azangile kuhinga uwape, alitunyineye; (mumu kawanyine muhela akalikonyeke), chipwe waufupile chikolo ni masoji.

Hebreu 3:13

Alioze lishinjilenu umwe ni mukwo ni mukwo tangwa ha tangwa, shimbu lieswe analivuluka ngwo, Musono, hanga niumwe wa kuli yenu kechi kakala ku kwonga cha shili.

Hebreu 3:7

Kashika chizechene ngwe Spiritu Musandu kanambe ngwenyi, Musono nyi munwivwa liji lienyi,