Mateu 5:24 - MUKANDA USANDU WA ZAMBI 1975

²⁴ Hichikako chawana che ku chilumbilo, Uliange kuya ukawane ni mukwenu, mba ukeze, ukalambule chawana che.

Mukanda Wa Zambi 1970

²⁴ hichika ko mulambu we ku chilumbilo, yako hatangu ukawane ni mukwenu, mba ukahiluke ukalambule mulambu we.

Mateu 5:24 Iomraidhean Croise

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Yishima 25:9

Hanjika chikuma che ni mukwenu ukawenyi; kanda wambulula kuli mukwo chikuma cha mukwenu cha mu mbunge,

Mateu 23:23

Lamba lienu, akwa kusonyeka ni A-Fwariseu, yilembese! mumu nwakufweta chihanda cha kumi cha ku chimbumba ni endru ni kominyu, alioze hinunalelesa yuma yilemu yahiana ya shimbi, upatwilo wa kulita, ni keke, ni Ufulielo: alioze yino Chanutamba kulinga, alioze kanda nulelesa yikwo.

Mateu 5:23

Kashika kachi unalambula chawana che ku chilumbilo, ni kuze muwiwuluka ngwe mukwenu chuma chimwe a kuli nacho.

Marku 9:50

Mungwa unawaha; alioze kachi mungwa unasamuka, neka mauyemesa? Pwenu ni mungwa muli yenwene, pwenu ni sambukila umwe ni mukwo ni mukwo.

1 Korintu 11:28

Alioze mutu akalieseke, chocho akalie mbolo, akanwe musenge.

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.