Mateu 5:22 - MUKANDA USANDU WA ZAMBI 1975

²² Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Mukanda Wa Zambi 1970

²² Alioze yami ngunanwambulwila ngwami, mutu yoze mevwila mukwo ufwatulo, matela ubatwilo. Yoze mambila mukwo ngwenyi: ‘Chihepuke!’ matela ubatwilo ku meso ja Mbunga ya Ngaji ja Ayuda. Yoze mamwamba ngwenyi: ‘Chizuzuke!’ kanatela kuya mu kahia.

Mateu 5:22 Iomraidhean Croise

Ubutukilo 37:4

Muze ayayo hamona chize tato kanamuzange kuhiana ayayo eswe, amuvwilile kole. Kahashile kuhanjika nenyi ni sambukila.

Ubutukilo 37:8

Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

2 Samuel 16:7

Shimei yatukatuka David ngwenyi, Katukako! Katukako! Ena lunga wa manyinga; lunga wamokomoko.

2 Samuel 6:20

David yeza kuwahisa zuwo lienyi, alioze Mikale mwana Saulu yatuhuka kupatwiza David ngwenyi, Mba mwanangana wa Izalele walilemesanga kanawa musono nikulifukula kumeso ja ana-mapwo ja ngamba jenyi ngwe umwe mutu wamokomoko malifukula ni sonyi jakuhi.

1 Yitanga Ya Mianangana 21:4

Ahabe yanjila mu zuwo lienyi ni wuli ni matoto mumu ha liji lize Ka-Yezerele Nabote hamwaha, mumu hamba ngwenyi, Chichi kukwaha chihinga cha tulamba twami. Yapomba ha muhela wenyi; yatewuluka meso jenyi; kalile kulia.

2 Sango Ja Mianangana 16:10

Asa yatenuka ni mwe mukwa kumona, yamusa mu zuwo lia ususu. Wamuvwilile ufwatulo ha chikuma chino. Asa yapinjisa amwe hakachi ka e atu nawa ha matangwa aze.

2 Sango Ja Mianangana 19:5

Yasela ngaji mu chifuchi ndusu yihunda yeswe ya yipanga mu Yunda, chihunda ha chihunda.

Nehemia 5:8

Yingwamba kuli ayo ngwami, Etu nikulita ni kuhasa chetu hitwakula usoko wetu A-Yunda waze aalanjishile kuli akwa mavungu, mba haliapwila te munulanjisa akwenu, twakule nawa yetu? Yahola, kapwile ni liji lia kukumbulula.

Miaso (Masamu) 109:3

Kananguseleka ni maliji a kole. Hanase jita ni yami, chitela chakuhi.

Miaso (Masamu) 14:1

Chihepuke kanambe mu mbunge yenyi ngwenyi, Kukushi Zambi niumwe. Hanapiha; kakulinga yitanga ya kuzelwokesa. Kukushi niumwe yoze unalingi chipema.

Miaso (Masamu) 25:3

Hakachi ka waze akutalatala kuli yena niumwe mevwa sonyi, alioze kumevwa sonyi waze akulinga ni mafwefwe, chikuma keshi nacho.

Miaso (Masamu) 35:19

Waze anapu akwa kole jami shili yamokomoko, kanda watayiza kunguyunga. Waze akunguvwila kole kuyishi chikuma, kanda atenya ni meso jo.

Miaso (Masamu) 37:8

Litwamine utenu; china ufwatulo; kanda ulifwita, mumu chatwala ku yitanga yipi wika.

Miaso (Masamu) 49:10

Mumu kakumona ngwe akwa mana kakufwa; ni chihepuke ni yoze keshi mana kakunonga hamuwika nikuhichika upite wo kuli akwo.

Miaso (Masamu) 69:4

Waze ananguvwila kole yamokomoko hahiana kambu ja ha mutwe wami. Kanatakama, waze anazange kungusutula mwono; hapwa akwa kole jami shili yamokomoko. Hohene nahilwishile chize cheyile.

Miaso (Masamu) 7:4

nyi hinalinga chipi kuli yoze watwama ni sambukila kuli yami, (pundu hinapulula yoze halipwisa mukwa kole yami ni chitela chakuhi)

Miaso (Masamu) 92:6

Mutu yoze walifwa ni kashitu keshi kuchinyingika. Kuchichi kulumbunuka kuli chihepuke.

Yishima 14:16

Mukwa mana kakwivwa woma, kakuchina yipi; alioze chihepuke kakulilengela, keshi woma.

Yishima 18:6

Mivumbo ya chihepuke kuyakunjila mu kulitachika; kanwa lienyi kuliakulisanyikina mijiji.

Jeremia 17:11

Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Lungungu 3:52

Hananguhange ngwe kajila kuli waze apwa akwa kole kuli yami chitela chakuhi.

Daniel 3:13

Kashika Nabukanezore yatenuka ni ufwatulo wahiana. Yatuma kusaka Shadrake, ni Meshake, ni Abedenego. Yaneha malunga wano kumeso ja mwanangana.

Daniel 3:19

Henaho Nabukanezore yafuluka ni ufwatulo, ni meso jenyi alumukine kulimika ni Shadrake, ni Meshake, ni Abedenego. Yatuma kuweza kahia yisuho shimbiali helu lia kahia ka matangwa akwo.

Obadia 1:10

Kumakakutetako ku miaka ya mutolo, sonyi mujikufuka mumu ha upupilo walingilile mwanakwenu Yakomba.

Obadia 1:12

Kuchakutambile kutala ha tangwa lia mwanakwenu; ha tangwa lia lamba lienyi. Kuchakutambile kuwahilila ha kumona A-Yunda ha tangwa lia kwaonwona, chipwe kuhanjika nikulengumuka ha tangwa lia luyinda.

Mateu 10:17

Alioze keyelenu atu, mumu kumakanukunjika kuli akwa kuyula, kumakanulamba ni shikote mu masunangonga jo.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 12:24

Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Mateu 18:21

Hohene Petulu wejile kuli iye, ngwenyi, Mwene, yisuho yingahi ndumbwami manguvulumuna, ni yami mungumukonekena; ndo yisuho shimbiali, nyi?

Mateu 18:35

Chocho nawa Tata wa mwilu makalinga kuli yenu kachi kunushi kumukonekena mweswe ndumbwenyi ku mbunge yenyi.

Mateu 23:15

Lamba lienu, akwa kusonyeka ni A-Fwariseu, yilembese! mumu nwakujinga kalungalwiji ni hashi homu mukutayisa kambaji umuwika; ni muze hatá, nwakumupwisa mukwa Heteze yisuho yiali kuhiana yenwene.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 26:59

Asasendote akwa lutwe ni makulwana ni akwa kuyula eswe afupile yela a mahuza hali Yesu, hanga akamushihe.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Mateu 5:34

Alioze yami ngunambe kuli yenu ngwami, Kanda nulishinga nichimwe; chipwe ni lilu, mumu ye ngunja ya Zambi;

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Marku 14:55

Asasendote akwa lutwe ni akwa kuyula eswe afupile Shindakenyo hali Yesu akamushihe; alioze kayiwanyineko.

Marku 15:1

Haze hene ha chimenemene, asasendote akwa lutwe hamwe ni makulwana ni akwa kusonyeka, ni akwa kuyula, yatwama punga, yakasa Yesu, yamutwala, yamukunjika kuli Pilatu.

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Luka 22:66

Muze hikwacha, makulwana ja atu, e asasendote akwa lutwe ni akwa kusonyeka akungulukile; no amutwalile ku punga, ngwo,

Yoano 11:47

Asasendote akwa lutwe kashika ni A-Fwariseu alikungulwile mukutwama punga, o ambile ngwo, Kuchi mutulinga? Mumu yono mutu kakulinga yilayi yinji.

Yoano 15:25

Alioze chino hichapwa, hanga liji lize linasonewa mu shimbi yo likamanunuke ngwo, Anguvwilile kole lume, chikuma chakuhi.

Yoano 7:20

Mbunga akumbulwile ngwo, Yena ndemoniu ukwete: iya unafupu kukushiha?

Yoano 8:48

A-Yunda amukumbulwile ngwo, Kutwambile kanawa ngwetu, Yena uli Ka-Samaria ni ndemoniu ukwete, nyi?

Yilinga 17:18

Alioze amwe a kuli akwa mana jo, A-Epikuria ni A-Stoiku atakanyine nenyi, ambile ngwo, Yono mukwa kumbambula kuchi mamba? Akwo ambile ngwo, Kanasoloka ngwe mukwa kwambujola mazambi ja yilambala; mumu wapwile nikwambujola sango lipema lia Yesu ni Uhindukilo.

Yilinga 22:30

Alioze muze hikwacha, se wazangile kunyingika pundu ha chize wasumiwine kuli A-Yunda, wamutuswile, wambile asasendote ni akwa kuyula eswe alikungulule, iye wapalumwishine Paulu, wamusele kumeso jo.

Yilinga 23:1

Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

Yilinga 24:20

Shina wano ambe chitela chize awanyine muli yami, muze namanyine kumeso ja akwa kuyula,

Yilinga 4:15

Alioze muze te haamba atuhuke muma mwa kutwamina punga, alihanjikishile umwe kuli mukwo ni mukwo,

Yilinga 5:21

O muze achivwile, anjilile ha kucha mu tembele, nikulongesa. Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe.

Yilinga 5:27

Muze te haaneha, aasele kumeso ja akwa kuyula. Ni sasendote mukwa lutwe waahulile ngwenyi,

Yilinga 6:12

O avundwile atu, ni makulwana, ni akwa kusonyeka, yalundumuka hali iye, yamukwata, yamuneha kumeso ja akwa kuyula.

Yilinga 6:15

Ni waze eswe atwamine mukuyula, ha kumuhulikila meso amwene meso jenyi ngwe ku meso ja mungelo.

Yilinga 7:37

Mose yoze wambile kuli ana a Izalele ngwenyi, Zambi kumakasolola profeta kuli yenu wa kuli usoko wenu, wa kulifwa ni yami; iye nukamwivwe.

A-ROMA 12:10

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

1 Korintu 6:10

chipwe eji, chipwe akwa kwivwa kuzo, chipwe akwa kuzengewa, chipwe akwa kutukana, chipwe akwa kuhianyisa ndando, kechi kahinga wanangana wa Zambi.

1 Korintu 6:6

Alioze ndumbu masopesa ndumbu, ni chize kumeso ja waze keshi kufuliela.

Shimbi 15:11

Mumu chifuchi chenu kuchichi kuhona chiswale, kashika ngunanwambe ngwami, Chamwenemwene nukafukwile mukwenu moko jenu, ni akwa kuhona ni yiswale, mu chifuchi chenu.

Shimbi 16:18

Ni ngaji ni yilolo nulisakwilo mu yihunda yenu yeswe, Yehova Zambi yenu ananweheyo, nikulita ni minyachi yenu, o akayule atu ni upatwilo wa ululi.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

Titu 3:2

Kanda ahanjika yipi hali niumwe, kanda apwa akwa ndombo, akapwe yimbovu, nikulweza kushimbika cheswe kuli atu eswe.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

Tiangu (Jake) 2:20

Alioze unazange kunyingika, yena mutu wamokomoko, ngwe Ufulielo kuushi yitanga kuunafu, nyi?

Tiangu (Jake) 3:6

Ni limi linapu kahia: we uhenge weswe wa hano hashi; chocho limi hanalise hakachi ka yihanda yetu, lize liakupihisa mujimba weswe, liakuchocheka kahia ku yuma yeswe ya chisemewa, nelio hilinambula kahia ku Ngehena.

1 Petulu 2:23

Muze amutukile, katukanyine; muze evwile lamba, komishine; aiioze walikunjikile ku moko ja yoze wakupatula ni ululi.

1 Petulu 3:9

Kanda nufwetesa yipi ni yipi, hanji kutukana ni kutukana, aiioze Shinaho ni uwape; mumu ha chino hananutambika, hanga nukahinge uwape.

1 Yoano 2:9

Yoze mamba ngwenyi, Nguli mu pangu, mba mavwila kole ndumbwenyi, mu milima ali ndo haliapwila.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 5:16

Kachi umwe mamona ndumbwenyi kanavulumuna mulonga, hi wa kufwa ko, kachi akete, iye makamwaha mwono hali waze keshi kuvulumuna mulonga wa kufwa. Kuuli mulonga wa kufwa; chambile nukalembele uno.

Yuda 1:9

Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile.

Usolwelo 20:14

Ni kufwa ni Heteze aanyashine mu Chitende cha kahia. Chino che kufwa chamuchiali, che Chitende cha kahia.