Mateu 5:20 - MUKANDA USANDU WA ZAMBI 1975

²⁰ Mumu ngunambe kuli yenu ngwami, Kunuchi kanjila nichimwe mu wanangana wa malilu shina ululi wenu muuhiana uze wa akwa kusonyeka ni A-Fwariseu.

Mukanda Wa Zambi 1970

²⁰ Ngunanwambulwila ngwami: kunuchi kuhasa kunjila mu Wanangana wa mwilu shina ululi wenu muuhiana ululi wa alongeshi a Shimbi ni wa Afariseu.”

Mateu 5:20 Iomraidhean Croise

Mateu 16:12

Mba chaalumbunukine ngwe waambile kukeyela hi futunwiso ya mbolo ko, alioze longeso lia A-Fwariseu ni A-Satuseu.

Mateu 18:5

Mweswawo matambula mwana mukepe umuwika ngwe yono mu jina liami mangutambula yami.

Mateu 3:10

Chipwe haliapwila hasa njimbu ku miji ya mitondo: kashika mitondo yize yeswe kuyishi kwima mihuko yipema mayipakula nikuyimbila mu kahia.

Mateu 7:21

Hi mweswe ko mamba kuli yami ngwenyi, Mwene, Mwene, makanjila mu wanangana wa malilu, alioze yoze wakulinga upale wa Tata yoze uli mu malilu.

Marku 10:15

Pundu ngunambe kuli yenu ngwami, Mweswawo keshi kutambula wanangana wa Zambi ngwe mwana mukepe, kechi kanjilamo nichimwe.

Marku 10:25

Chashi hali kamelu kupalika ndusu mu liso lia ndongo, chikalu hali pichi kunjila mu wanangana wa Zambi.

Luka 11:44

Lamba lienu akwa kusonyeka ni A-Fwariseu! yilembese! mumu nunapu ngwe mafuka aze keshi kusoloka, ni waze mapalikaho keshi kuchinyingika.

Luka 12:1

Muze tununu anji akungulukile chocho aliachile umwe hali mukwo, waputukile kwamba kuli tumbaji twenyi kuliangila ngwenyi, Keyelenu futunwiso ya A-Fwariseu, yenayo ulembese.

Luka 18:17

Pundu ngunambe kuli yenu ngwami, Mweswawo kechi katambula wanangana wa Zambi ngwe mwana mukepe, kechi kanjilamo nichimwe.

2 Korintu 3:9

Mumu kachi uvumbiko wa uhiso ukwete uhenya, kachi Shinaho chikolo uvumbiko wa ululi kuwakulumbamina uhenya.

2 Korintu 5:17

Kashika kachi umwe mapwa muli Kristu, kachi iye chitanga chaha; yuma yikulu hiyinahu; yuma yeswe yinapu yaha.

Filipu 3:9

hanga akanguwane muli iye, hi ni ululi wa yami mwene ko, uze wa ku shimbi, alioze uze wa ku Ufulielo kuli Kristu, ululi uze wa kuli Zambi ku Ufulielo,

Hebreu 12:14

Kaulenu sambukila hamwe ni atu eswe, ni usandu, uze mutu kechi kamona Mwene nyi keshi nawo.

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.