Mateu 5:19 - MUKANDA USANDU WA ZAMBI 1975

¹⁹ Kashika mweswawo matangula limuwika lia ku maliji ano akepe ahiana eswe a shimbi, malongesa atu chocho, kumakamuvuluka ngwo, Mukepe Wahiana eswe mu wanangana wa malilu: alioze mweswawo nwalinga, nikwalongesa, mwenawo kumakamuvuluka ngwo, Munene mu wanangana wa malilu.

Mukanda Wa Zambi 1970

¹⁹ Kashika, yoze wakutangula chibwe Shimbi yikepe yahiana ya ku Shimbi ja Mose, ni kulongesa atu kutangula Shimbi yize yikepe, maakamuvuluka ngwo, mukepe Wahiana mu Wanangana wa mwilu. Alioze yoze mononokena Shimbi ja Mose ni kulongesa atu akwo kujilinga, maakamuvuluka ngwo: munene Wahiana mu Wanangana wa mwilu.

Mateu 5:19 Iomraidhean Croise

Miaso (Masamu) 119:128

Kashika ngunamono ndongo je jeswe ja kutwala ku yuma yeswe ngwami, Jinapeme, mba kunavwila lwaji jila yeswe ya mahuza. Pe

Miaso (Masamu) 119:6

Nyi chocho chichi kwivwa sonyi muze mungulemesa shimbi je jeswe.

Daniel 12:3

Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Mateu 11:11

Pundu ngunambe kuli yenu ngwami, Hakachi ka waze akusemuka kuli mapwo, kakatukile umwe munene Wahiana Yoano Chipapachisa: alioze yoze mukepe Wahiana eswe mu wanangana wa malilu kanapu munene kuhiana iye.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Mateu 20:26

Alioze kuchichi kapwa chocho hakachi kenu, alioze mweswawo mazanga kupwa munene hakachi kenu, akapwe kavumbi kenu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Luka 11:42

Alioze lamba lienu A-Fwariseu! nwakutambula chihanda cha kumi cha chimbumba ni aluta, ni yilimalima yeswe, alioze nwakulelesa ululi ni zango lia Zambi: Chanutamba Shinaho kulinga yino ni kulitwamina yikwo, ka.

Luka 9:48

Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.

Yilinga 1:1

Yena Teofwilu, nasonekene mukanda utangu, ha kutwala ku yuma yize yeswe Yesu waputukile kulinga ni kulongesa nawa,

A-ROMA 3:8

Kuchi te kutushi kwamba (ngwe kanatusanyina, nikulita ngwe amwe kakushindakenya yetu twakwamba) ngwo, Tulingenu yipi hanga yipema yikeze? Upatwilo wo kuunalite ni ululi.

A-ROMA 6:1

Mba twambe kuchi? Ngwetu, tunyongonone mu shili nyi, hanga vumbi likalumbame?

A-ROMA 6:15

Mba kuchi? Tuvulumune, mumu kutushi kushi lia shimbi, alioze kushi lia vumbi nyi? Ka, pundu.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 27:26

Kashingiwa mutu yoze keshi kukolesa maliji a shimbi yino mukwalinga. Atu eswe até ngwo, Amene.

1 Timoteu 6:11

Alioze yena, mutu wa Zambi, China yino yuma; ukakaule ululi, ni uwayilo, ni Ufulielo, ni zango, ni utunu, ni kushimbika.

Titu 3:8

Liji lino liamwenemwene. Ha kutwala ku yino yuma ngunazange ukalishinjike, hanga waze hanafuliela kuli Zambi, akase mbunge kulalaminya ku yitanga yipema. Yino yuma yinapeme, yakufumbula atu.

1 Petulu 5:4

Mba muze masolola Kafunga mukwa lutwe, kumunukatambula chipangula cha uhenya chize kuchishi kujimuka.

1 Yoano 3:4

Mweswawo mavulumiona, iye chihulia nawa; ni shili we uhulia.

Usolwelo 2:20

Alioze chino ngukuli nacho ngwami, Wakutayiza yoze pwo Jezebele kulongesa, yoze wakulivuluka profeta-wa-pwo; kakulongesa, kakupiangula ndungo jami mukulinga utanji, mukulia yuma yize hanayitambula yitapo ku mahamba.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.