Mateu 5:15 - MUKANDA USANDU WA ZAMBI 1975

¹⁵ Chipwe atu keshi kuwika ndeya, akayise mushi lia chisoka, alioze ha chikwachilo cha ndeya, mba muyitemuka kuli waze eswe ali mu zuwo.

Mukanda Wa Zambi 1970

¹⁵ Atu keeshi kuwika ndeya ni kuyisa mushi lia kapaya, alioze kaakuyisa ha chikwachilo cha ndeya, mba muyitemwina eswe waze ali mu zuwo.

Mateu 5:15 Iomraidhean Croise

Kutuhuka 25:37

Ukafule ndeya jacho shimbiali. Akawike je ndeya, jikatemukine kulutwe liacho.

Zakaria 4:2

Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali.

Kwalula 8:2

Amba kuli Arone ngwe, Muze muwika ndeya, ngwami, je ndeya shimbiali, jikatemukine kulutwe lia chikwachilo cha ndeya.

Marku 4:21

Iye wambile kuli ayo ngwenyi, Maneha ndeya hanga ayise mushi lia chisoka, hanji kushi lia muhela, nyi? Keshi kuyisa ha chikwachilo cha ndeya, nyi?

Luka 11:33

Niumwe, muze hawika ndeya, mayisa ku tenga, chipwe mushi lia chisoka, alioze ha chikwachilo cha ndeya, hanga waze manjila akamone pangu.

Luka 11:36

Kachi kashika mujimba we weswe muuzala tò ni pangu, ni chihanda nichimwe cha milima, kachi muuzala weswe ni pangu, chizechene ngwe muze ndeya muyikupangulwisa ni pangu liayo.

Luka 8:16

Niumwe muze te hawika ndeya, mayifuka ni chisoka, hanji mayisa mushi lia muhela; alioze mayisa ha chikwachilo cha ndeya, hanga waze manjila akamone pangu.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

Hebreu 9:2

Mumu alulikile mbalaka, yitangu, muze mwapwile ni chikwachilo cha ndeya, ni mesa, ni mbolo ja, kutumbieka; muze anavulukamo ngwo, Muma musandu.

Usolwelo 2:5

Iwuluka kashika kuze hiunaholoka, Ulikonyeke, ulinge yitanga yitangu; nyi ka, mungwiza kuli yena, munguchiza chikwachilo che cha ndeya ku chihela chacho, shina mulikonyeka.