Mateu 5:14 - MUKANDA USANDU WA ZAMBI 1975

¹⁴ Yenu nuli pangu lia hashi. Limbo lize liatungiwa ha mulundu kulishi kuhasa kuswama.

Mukanda Wa Zambi 1970

¹⁴ “Nuli ngwe pangu lia akwa hashi. Limbo lize linatungiwa ha mulundu, kuliahashile kuswama.

Mateu 5:14 Iomraidhean Croise

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

Ezekiel 5:5

Mwene Yehova kanambe ngwenyi, Yino ye Yerusaleme; nayisele hakachi ka mavungu, ni kuyijingilika ni yifuchi.

Yoano 12:36

Shimbu nuli ni pangu, fulielenu pangu, hanga nukapwe ana a pangu. Yino yuma ahanjikile Yesu, mba yakatuka, yaswama kuli ayo.

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yoano 9:5

Shimbu nguli hano hashi, pangu lia hashi yami.

2 Korintu 6:14

Kanda nulilema kanga yimuwika ni waze keshi kufuliela, mumu kulifutula chika ukwete ululi ni ungulungulu? Hanji kuliendela chika likwete pangu ni milima?

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

1 Tesalonika 5:5

Mumu yenu eswe nuli akwa pangu, akwa mwalwa: hi tuli akwa ufuku ko, chipwe akwa milima, ka.

Usolwelo 1:20

Chijimbikilo cha matongonoshi shimbiali waze hiwamona ha kwoko liami lia chindume, ni yikwachilo shimbiali ya ndeya ya oru ngwami, Matongonoshi shimbiali, angelo ja yikungulwila shimbiali; ni yikwachilo shimbiali ya ndeya, yikungulwila shimbiali.

Usolwelo 2:5

Iwuluka kashika kuze hiunaholoka, Ulikonyeke, ulinge yitanga yitangu; nyi ka, mungwiza kuli yena, munguchiza chikwachilo che cha ndeya ku chihela chacho, shina mulikonyeka.