Mateu 5:12 - MUKANDA USANDU WA ZAMBI 1975

¹² Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.

Mukanda Wa Zambi 1970

¹² Likwizenu, wahililenu, mumu chawana chenu chinene chili mwilu, mumu Chenacho ahungu mionene akwa munanyi a Zambi waze aliangile.”

Mateu 5:12 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

1 Yitanga Ya Mianangana 18:13

Kanulwezele mwata chize nalingile muze Jezebele washihile aprofeta ja Yehova ngwe naswekele kulakaji lia aprofeta ja Yehova makumi atano mu chivwenge, makumi atano mu chivwenge nikwaaha kulia ni meya nyi?

1 Yitanga Ya Mianangana 18:4

Muze Jezebele washihile aprofeta ja Yehova Obadia watambwile kulakaji lia aprofeta, waaswekele makumi atano mu chivwenge chimwe, makumi atano mu chivwenge chikwo, waahele kulia ni meya.)

1 Yitanga Ya Mianangana 19:2

Henaho Jezebele yatuma mukeji kuli Eliya ngwenyi, Nyi chapwishile mwono we ngwe mwono wo ha ola yino hamene, mazambi achilinge kuli yami, akawezeko nawa.

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

1 MIANANGANA 1:9

Henaho mwanangana yatuma kuli iye kapitau ka makumi atano ni makumi jenyi atano. Yaya kuli iye, yamuwana hatwama ha mulundu. Yamba kuli iye ngwenyi, Ena mutu wa Zambi, mwanangana ngwenyi, Palumukako.

2 Sango Ja Mianangana 16:10

Asa yatenuka ni mwe mukwa kumona, yamusa mu zuwo lia ususu. Wamuvwilile ufwatulo ha chikuma chino. Asa yapinjisa amwe hakachi ka e atu nawa ha matangwa aze.

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Miaso (Masamu) 19:11

Kavumbi ke kakumutoweza nayo. Ha kuyilinga kuchili kwononona chinene.

Miaso (Masamu) 58:11

Chocho atu mamba ngwo, Chamwenemwene kwononona cha mukwa ululi kuchili; chamwenemwene kwali Zambi mukwa kupatula hano hashi.

Yishima 11:18

Chingulungulu kakulambula fweto ya kwonga; alioze yoze makuwa ululi kali ni kwononona chamwenemwene.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 26:8

Mba muze Jeremia hamana kuhanjika yize yeswe Yehova hamutuma kuhanjika ni atu eswe, henaho asasendote, ni aprofeta ni atu eswe yamukwata ngwo, Kumuofwa!

Jeremia 37:14

Jeremia yamba ngwenyi, Mahuza. Chayile kuli A-Kaletea. Alioze Ilija kasolo kupanjika; yakwata Jeremia, yamuneha kuli alemu.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Luka 13:34

Yerusaleme, Yerusaleme, yena wakushiha aprofeta, wakwasa mawe waze aatumine kuli yena! Yisuho yipwa haha nazangile kukungulula i ana je ngwe chali makungulula ana jenyi mushi lia mapulwa jenyi, alioze kunwatayile.

Luka 6:23

Wahililenu ha tangwa lize, tumbwokenu ni uwahililo; mumu kwononona chenu chinene mwilu, mumu chizechene akako alingile kuli aprofeta.

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

A-ROMA 5:3

Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona;

1 Korintu 3:8

Achi, yoze wakutumba ni yoze Wakuhinjila kanapu umuwika, alioze mutu ni mutu kumakatambula fweto yenyi mwene, nikulita ni kukilikita chenyi mwene.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;

Filipu 1:29

Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

Kolosu 3:24

Nyingikenu ngwenu, Kuli Mwene mutukatambula chihinga ha kwononona, mumu twakulingila Mwene Kristu.

1 Tesalonika 2:15

waze ashihile Mwene Yesu ni aprofeta jo ene; atuhumine haze nawa; keshi kupemena kuli Zambi; kakulimika ni atu eswe.

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.

Hebreu 11:26

Se kananyongo ngwenyi, Luchoko yoze achokele nenyi Kristu, hapwa upite kuhiana yikumba ya Engitu: mumu wahulikilile meso ku kwononona.

Hebreu 11:33

waze ku Ufulielo akanganyine mawanangana, alingile ululi, azukile yilakenyo, ajikile makanwa ja ndumba,

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Tiangu (Jake) 1:2

Mandumbu jami, muze yeseko yeka ni yeka muyinuwana, chinyongenu kupwa uwahililo weswe;

Tiangu (Jake) 5:10

Mandumbu jami, tambulenu ngwe chilweza cha kwivwa lamba ni cha uhumikizo, aprofeta waze ahanjikile mu jina lia Mwene.

1 Petulu 4:13

Alioze se nuli akwa kuhangana ni lamba lia Kristu, wahililenu; hanga ha usolwelo wa uhenya wenyi nawa nukawahilile nikulikwiza.

Rute 2:12

Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.